२ थिस्‍सलोनिकी 3:4 - जिरेल

⁴ ख्‍योकोन प्रभु येशूताङ जीउज्‍यीकराङ ओङाते मि ईन्‍देकी थातासाक खाबा च्‍योकराङ थाङ ख्‍योकोनगी ङ्योकोनगी खि साबा साबा च्‍योकराङ खिन देत्‍क्‍यो सिन ङ्योकोनला छ्या ओत।

२ थिस्‍सलोनिकी 3:4 Iomraidhean Croise

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

रोमी 15:18

ङे लापाते बात ङेन्‍गीन ज्‍येन ज्‍येन जातकी मिकी परमेश्‍वरगी खि साबाते ङेन्‍दाला स्‍यूसुङ। ङाराङगी स्‍याप स्‍याप खाईन खाबाते कामगी खित्‍सादुका थेबेकी दोक खिताला स्‍यूबाते ईन सिनचेन ङा नोउ छ्ये मिक्‍किओ। च्‍यिला सासीन ङे थेबे नाङ खाबाते कामताङ बात गाङे ख्रीष्‍टकी शक्ति छ्य्‌वापेकी खाबाते ईन।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

२ कोरिन्‍थी 2:3

ङाला गा लाङच्‍येते बात ख्‍योकोनलाङ गा लाङच्‍येतेराङ ईन सिन ङाला लेमु खाला छ्या ओतेकी ङाराङ मेङा खाईन ङे थे चिट्ठीकामा टिबाप। ख्‍योकोनचेन ङाला मन परे खित्‍च्‍येते काम खित्‍कान्‍ते मि ईन। दि पालो ङा थेपा वाबा ईन्‍सीन ङाला आउदी दुक्‍पा लाङच्‍या ओतान।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 8:22

तीतसबाताङराङ ज्‍येनज्‍यीक न्‍वालाङ ङ्योकोन थेपा तोङगीन ओत। दिचेन ज्‍येनला चुक खाला लेमु खिता थुबोङा सिन आउदी सेम खित्‍कान्‍ते मि ईन। दिकी पालोताङ पालो खाबाते काम ताकीन दि थोक्‍ते मि दुका सिन ङ्योकोनगी छ्या स्‍येसुङ। ङ्योकोनगी ख्‍योकोन लेमु मि ईन सिन लाःप्‍नामेकीनी दि झन गा खिन ख्‍योकोनला थे काम खाला सिन्‍दा खित ज्‍युताला थेपा ओङगीन ओत।

गलाती 5:10

जे ईन्‍सीनोङ ङाराङगी प्रभु येशू ख्रीष्‍ट लाक पूरो खाईन भर परे खाबा ओतेकी ख्‍योकोनगी गोमा ङेन्‍दाते सत्‍यते बात ङेन्‍दा ताङला ज्‍येन बात ङेन्‍ग्‍यो सिराच्‍योक ङाला बान्‍दा मालाङदुक। खोपरोङगी खि साबाच्‍योक खिता फाप्‍क्‍यो साला ख्‍योकोनला अलमल्‍ल लोङकान्‍ते मि जोराङ ईन्‍सीनोङ ङीमाई थे गोःनामा परमेश्‍वर सजाय फाप्‍क्‍यो।

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

१ थिस्‍सलोनिकी 4:10

ईन्‍दाबोङ म्‍यासिडोनिये लुङबा खाङ ओताते आज्‍यो न्‍वा गाङेला ख्‍योकोनगी ङिङज्‍ये खिनराङ दुक। ओर्च्‍ये, आज्‍यो न्‍वाबा ख्‍योकोनगी झन लेमु खाला दोक खिनराङ देत।

२ थिस्‍सलोनिकी 3:12

प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी अल्‍छी खित्‍कान्‍तेबा ख्‍योकोन जोराङ ईन्‍सीनोङ ङ्योकोन च्‍यि सिते सासीन ओर्च्‍ये ख्‍योकोनगी अल्‍छी खिता ताङला खुरू खुरू दाक्‍पोन पाखुरा चले खाला सो।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

फिलेमोन 1:21

ङे खि साबा छेतकामा मेन, खुई थे भन्‍दाङ लेमु खिओ सिन ङाला छ्या ओतेकी ङे दोक खाईन दि चिट्ठी टिबाते ईन।