२ थिस्‍सलोनिकी 3:3 - जिरेल

³ प्रभु येशू थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला थे खोरोङला विश्‍वास खिन देत्‍च्‍येते शक्ति तेरग्‍यो थेमे खेराङला मेलेबा खित्‍कान्‍ते शैतान लाःक्‍तुकीङ जोए खाला ज्‍य्‌वाक्‍यो।

२ थिस्‍सलोनिकी 3:3 Iomraidhean Croise

मत्ती 5:37

थोगी ख्‍योकोनगी ईन्‍दे बातला ईन सि, मेन्‍सीन मेनकामा सि। दोक मिक्‍किता खाईन खइँदा बातला ना क्‍याल्‍सीन थोकचेन शैतानगी खित च्‍युताते ईन।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

लूका 11:4

ङ्योकोनगी खाबाते पाप माफ नाङ। ङ्योकोनोङ ङेराङला मेलेबा खित्‍कान गाङेला माफ तेरग्‍यो। थेमे मेलेबा काम खित्‍से छ्य्‌वापेई ङ्योकोनला जोए खाला नाङ,’ सि,” सिन सिदुक।

यूहन्‍ना 17:15

ङे दिबाबरीला दुरूकी तेन्‍ला खेरा फाप्‍क्‍यो सिन साबाते मेन। बरू मिला मेलेबा खित्‍कान्‍ते शैतान लाःक्‍तुकी दिबाला जोए खाला स्‍योक सिन ङा बिन्‍ती खिओ।

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

१ थिस्‍सलोनिकी 5:24

ख्‍योकोनला थे खोरोङ दोन्‍दु स्‍योक सिन कातोङकान्‍ते परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला ङ्योकोनगी प्रार्थना खाबाच्‍योक खाला लेमु खिओ।

२ तिमोथी 4:18

थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।