२ थिस्‍सलोनिकी 3:16 - जिरेल

¹⁶ थेमे सेमला ढुक्‍क लोङकान्‍ते प्रभु येशूकी दुक्‍पा किम्‍मु जस्‍तो ओङसीनोङ ख्‍योकोनला जहिलेङ सेमदु ढुक्‍क लोङस्‍यीत थेमे ख्‍योकोन गाङेताङ ङ्योम्‍बुराङ देत्‍स्‍यीत सिन ङ्योकोन प्रार्थना खिओ।

२ थिस्‍सलोनिकी 3:16 Iomraidhean Croise

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 15:33

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोन गाङेताङ ङ्योम्‍बुराङ देत्‍स्‍यीत। आमेन।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

१ कोरिन्‍थी 14:33

च्‍यिला सासीन परमेश्‍वरगी जुन कामोङ बताङ बुतुङ खाला पालोईला खित मुज्‍युता खाला गाङे ठीक ठीक खाला खित ज्‍युत्‍क्‍यो। ङुरूङला डिक्‍ला थुन्‍ला देत ज्‍युत्‍कान्‍ते थेराङ ईन। परमेश्‍वर सन्‍तानओन जम्‍मा ओङजीन ठाउँ गाङेपा खिन ओता च्‍योकराङ

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

एफिसी 6:23

थेमे आबा परमेश्‍वरताङ प्रभु येशू ख्रीष्‍टकी आज्‍यो न्‍वाबा ख्‍योकोनला डिक ज्‍युत्‍कीनराङ देत्‍स्‍यीत, दोक्‍पोईकी ज्‍येनज्‍यीकला ङिङज्‍ये खिन देत ज्‍युत्‍स्‍यीत थेमे विश्‍वास खिनराङ देत ज्‍युत्‍स्‍यीत।

१ थिस्‍सलोनिकी 3:11

था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 3:18

ङुरूङ प्रभु येशू ख्रीष्‍टकी ख्‍योकोन गाङेला दया खिनराङ देत्‍स्‍यीत।

२ तिमोथी 4:22

लो प्रभु येशू ख्रीष्‍ट खोत्ताङ ङ्योम्‍बुराङ देत्‍स्‍यीत। थेमे ख्‍योकोन गाङेला थेकी दया खिनराङ देत्‍स्‍यीत।

फिलेमोन 1:25

प्रभु येशू ख्रीष्‍ट ख्‍योकोनला दया खिन ख्‍योकोनताङ ङ्योम्‍बुराङ देत्‍स्‍यीत।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 7:2

थेमे अब्राहामगीचेन थे खोरोङगी लडाइँला ग्‍याल्‍गीन ठ्वाकीन खुलाबाते जेसुकैते बो च्‍युताम्‍बे नाङ बोज्‍यीक टाल्‍गीन थेला बिन्‍दा ओतान। मल्‍कीसेदेक साबाते काका पाका मिक्‍किता खाला राज्‍य खित्‍कान्‍ते गेल्‍बो साबाते ईन। थेकी राज्‍य खाबाते शालेम सारगी अर्थचेन आनन्‍दे सार साबाते ईन। थोक ईन्‍देकी मल्‍कीसेदेकचेन आनन्‍दे सारगी गेल्‍बोङ ओतान।