२ थिस्‍सलोनिकी 3:15 - जिरेल

¹⁵ ङ्योकोनगी दोक साबाते थोक्‍ते मिला शत्रुला च्‍योकराङ खि साबाते मेन याङ। बरू थेङ खेराङ आज्‍यो न्‍वाराङ ईन सिन सम्‍झे खाला थेला थोक खाला अल्‍छी खाला देता लेमु मेन सिन सि।

२ थिस्‍सलोनिकी 3:15 Iomraidhean Croise

मत्ती 18:15

थेमे खेराङ आज्‍यो न्‍वाकी खेराङला खइँदा मेलेबा खासीन ख्‍योकोनगी दोक खि। च्‍यि सासीन जसकी खेराङला मेलेबा खिदुक गोमा खेराङ दोक्‍पोईकामा थे ओत्‍सादु गाल्‍ला थेकी थोक खाबाते लेमु मेन सिन थेला सम्‍झे खाला बिन। खेराङ ङिकामा ओत्‍जीन थेकी ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोन याङराङ आज्‍यो न्‍वा च्‍योकराङ ओङला डिक्‍ला देता थुप्‍क्‍यो।

१ कोरिन्‍थी 4:14

ङे थाल्‍लासाक टिबाते दि गाङे बात ख्‍योकोनला ङोचा लोङाप सिन मेन्‍देकी लेमुते बात च्‍यि ईन्‍दे सिन लोप्‍स्‍यीत सिन टिबाते ईन। ख्‍योकोन ङाराङ फिजा च्‍योकराङ ईन। ङा ख्‍योकोनला ङिङज्‍ये खिओ।

१ कोरिन्‍थी 5:5

चुक सासीन थेकी पाप खिता तोङस्‍यीत सिन थेला शैतान लाःक्‍तु सोम्‍पे खि। थोक खानामेई थे स्‍यिसीनोङ प्रभु येशू ग्‍युरला ओङे छोमु थेकी थेला पापकी सजाय मेतेरो।

२ कोरिन्‍थी 10:8

प्रभु येशूकी ङाराङला चुक छ्येज्‍यीक अधिकार बिन्‍दा ओते सिन ङे ङाराङ बात खासीन ङाला छ्याःङ ङोचा मेत। थेकी ङाला ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेरच्‍येते अधिकार बिन्‍दा ओत।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

गलाती 6:1

आज्‍यो न्‍वावे, ख्‍योकोन नाङ सुइँदेकी गल्‍ती खासीन परमेश्‍वर आत्‍मेकी खि साबाच्‍योक खित्‍कान ख्‍योकोनगीचेन खेराङगीङ दाक गल्‍ती खिता थुप्‍क्‍यो सिन टोक मेज्‍येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्‍झे खाला बिन।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

तीतस 3:10

सत्‍यते बातताङ डिकराङ मिडिक्‍च्‍येते होथोक्‍ते बात खाला परमेश्‍वरला विश्‍वास खित्‍कान्‍तेबे नाङ फाटो स्‍योर ज्‍युत्‍कान्‍ते मिला थोक्‍ते बात मालोप सिन सि। थेकी थोकराङ खिन देत्‍सीन थोक माकेत सिन खुई याङराङ पालोई सि। थोक खित्‍जीनोङ नामज्‍योक मासेत्‍सीन थोक्‍ते मित्ताङ साङराङ माकेत।