२ थिस्‍सलोनिकी 3:14 - जिरेल

¹⁴ ख्‍योकोन नाङ सुइँदेकी ङ्योकोनगी दि चिट्ठीला खि सिन टिबाते बात माङेन्‍सुङ सासीन थोक्‍ते मि सु सु ईन्‍दे सिन ख्‍योकोन गाङेकी लेमु खाला ङो स्‍येबा खाला थेला ङोचा लाङस्‍यीत सिन थोक्‍ते मित्ताङ साङराङ माकेत।

२ थिस्‍सलोनिकी 3:14 Iomraidhean Croise

मत्ती 18:17

थोक खाला मेरा ङि सुम डिक्‍ला बात खित्‍जीनोङ थेकी ङेनराङ माङेन्‍सुङ सासीन ज्‍येन आज्‍यो न्‍वाओनलाङ गाङेला रूला थेला थोरूमोङ सम्‍झे खि। गाङे दोन्‍दु थोक खित्‍जीनोङ थेकी ङे थोक खाबाते ईनराङ मेन सासीनचेन खेराङ आज्‍यो न्‍वा सिरा ताङला ख्‍योकोनगी थेला कर लिन्‍कान्‍तेताङ परमेश्‍वरला छ्या मेस्‍येकान्‍ते मि च्‍योकराङ ठाने खि।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 4:14

ङे थाल्‍लासाक टिबाते दि गाङे बात ख्‍योकोनला ङोचा लोङाप सिन मेन्‍देकी लेमुते बात च्‍यि ईन्‍दे सिन लोप्‍स्‍यीत सिन टिबाते ईन। ख्‍योकोन ङाराङ फिजा च्‍योकराङ ईन। ङा ख्‍योकोनला ङिङज्‍ये खिओ।

१ कोरिन्‍थी 5:11

था दि चिट्ठीलाचेन ङा ख्‍योकोनला च्‍यि सिते सासीन सुइँदेकी ङाङ येशूला विश्‍वास खित्‍कान्‍ते मि ईन खिदुक तर रन्‍डीबाजी थेमे होदि च्‍योक्‍ते खिता मेङच्‍येते काम खित्‍च्‍येते, लोभ खित्‍च्‍येते, ल्‍हा लु माने खित्‍च्‍येते, ज्‍येनला मोत्‍च्‍येते, छ्याङ रक्‍सीकी जिलाकामा देत्‍च्‍येते थेमे ज्‍येनगीते लुटे खाला ख्‍याम्‍च्‍येते खिदुक सासीन थोक्‍ते मित्ताङचेन ख्‍योकोनगी साङ माकेत। थेत्ताङ ङ्योम्‍बुराङ देत्‍ला छ्यु मुठी खाङोङ माथुङ।

१ कोरिन्‍थी 5:9

थेमे गोमाका टिबाते चिट्ठीला ङे ख्‍योकोनला रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओनताङ साङ माकेत सिन साबा ओतान।

२ कोरिन्‍थी 10:6

दोक खाईन ख्‍योकोन गाङेकी ङ्योकोनगी लाःपा कोताते लेमु खाईन ङेन्‍नामेईचेन ङ्योकोन बात मेङेन्‍कान्‍तेबाला चुक खिता फाप्‍कीते सिन ङ्योकोनला लेमु खाला छ्या ओत।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

कलस्‍सी 4:16

थेमे खेराङ गाङेकी थोच्‍या खाईन पढे खाईन सिन्‍नामेकी दि चिट्ठी ख्‍योकोनगी लाओडिसियापा थोङ। ख्‍योकोनगी च्‍योकराङ खाला दि चिट्ठी थेरू जम्‍मा ओङकान्‍ते येशू ख्रीष्‍ट मि गाङेकी थोच्‍या खाला पढे खिता फाप्‍क्‍यो। थोकराङ खाला ङे थेबाला ताङाते चिट्ठीचेन ख्‍योकोन ओत्‍सापा थोङ साला गाङेकी पढे खि।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

तीतस 3:10

सत्‍यते बातताङ डिकराङ मिडिक्‍च्‍येते होथोक्‍ते बात खाला परमेश्‍वरला विश्‍वास खित्‍कान्‍तेबे नाङ फाटो स्‍योर ज्‍युत्‍कान्‍ते मिला थोक्‍ते बात मालोप सिन सि। थेकी थोकराङ खिन देत्‍सीन थोक माकेत सिन खुई याङराङ पालोई सि। थोक खित्‍जीनोङ नामज्‍योक मासेत्‍सीन थोक्‍ते मित्ताङ साङराङ माकेत।

फिलेमोन 1:21

ङे खि साबा छेतकामा मेन, खुई थे भन्‍दाङ लेमु खिओ सिन ङाला छ्या ओतेकी ङे दोक खाईन दि चिट्ठी टिबाते ईन।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

२ यूहन्‍ना 1:10

सुइँदेकी वाला ख्रीष्‍टकी लापाते भन्‍दा खइँदा ल्‍हाक्‍पा बात लोपा छोल्‍गीदुक सासीन थोक्‍ते मि जो ईन्‍सीनोङ थेला स्‍यासा मातेर, थेत्ताङ बातज्‍यीगोङ माकेत।