२ थिस्‍सलोनिकी 3:13 - जिरेल

¹³ थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

२ थिस्‍सलोनिकी 3:13 Iomraidhean Croise

लूका 18:1

थेमे चेलातेबेकी सेम मेसेता खाला परमेश्‍वरला प्रार्थना खिनराङ देत्‍स्‍यीत सिन येशूकी दोक सिन थेबाला कथा लाःपाला स्‍यूसुङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

१ कोरिन्‍थी 15:28

थेकी गाङेला ख्रीष्‍टकी तिङबे ओक्‍तु ज्‍यागीन सिन्‍नामेकीचेन परमेश्‍वर फुज्‍युङ ख्रीष्‍ट थे खोरोङोङ परमेश्‍वर अधीनलाराङ देत्‍क्‍यो। थोक ओङगीन सिन्‍नामेई परमेश्‍वरगीराङ गाङेपा गाङेला राज्‍य खिओ।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

२ थिस्‍सलोनिकी 3:15

ङ्योकोनगी दोक साबाते थोक्‍ते मिला शत्रुला च्‍योकराङ खि साबाते मेन याङ। बरू थेङ खेराङ आज्‍यो न्‍वाराङ ईन सिन सम्‍झे खाला थेला थोक खाला अल्‍छी खाला देता लेमु मेन सिन सि।

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

हिब्रू 12:5

च्‍यि ख्‍योकोनगी परमेश्‍वरगी खेराङला फुज्‍युङ सिन अर्ती खिन दोक सिन साबाते बाततेबा टोक ज्‍येत्‍सुङ? थेकी “फुज्‍यो, खुई लेमु खित्‍स्‍यीत सिन प्रभु परमेश्‍वरगी थाप्‍जीन ङारजीन नामज्‍योक मेसेता खाला मादेत, थेकी खोल्‍ला ताला लुजीन सेम मासेत।

छ्या स्‍ये च्‍युताते बात 2:3

ङे मि ईन्‍देकी खित्‍सादु पीरताङ दुक्‍पा आइ परे खित्‍जीनोङ सेम मेसेता खाईन ख्‍योकोनगी ङाला विश्‍वास खिनराङ देत्‍सुङ।