२ थिस्‍सलोनिकी 3:11 - जिरेल

¹¹ ख्‍योकोन नाङ कोई कोई अल्‍छीकी दाक्‍पोन काम खिता ताङला ज्‍येन मि काम खित्‍साला गाल्‍ला बरालस्‍यिङ लोङगीदुक्‍लो सिरा थोकीदुक।

२ थिस्‍सलोनिकी 3:11 Iomraidhean Croise

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

१ थिस्‍सलोनिकी 4:11

थेमे ङ्योकोनगी गोमाका साबा च्‍योकराङ ख्‍योकोनगी च्‍यि खित्‍च्‍ये छ्य्‌वापा स्‍येत खिसे सासीन ख्‍योकोनगी दाक्‍पोन दाक्‍पोन लाक रेरे खि। ज्‍येनला लोप्‍च्‍येते कोत्‍च्‍येते छ्याःङ खाँचो मेत्‍सीनोङ थेबाला दोक खि, थोक खि सिन लोपा कोता चाल्‍ला दुक्‍पा मातेर। दाक्‍पोन दाक्‍पोन पाखुरा चले खाला सो।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

१ पत्रुस 4:15

ख्‍योकोनगी मि सेतेकी खित्‍सादु कि सुइँदेते खइँदा कुबेकी खित्‍सादु कि मेलेबा काम खाबेकी खित्‍सादु कि मि काम ङ्ये च्‍युतेकी खित्‍सादु सजाय ङेत्‍तुक्‍लो सिराचेन लेमु मेन।