२ थिस्‍सलोनिकी 3:1 - जिरेल

¹ आज्‍यो न्‍वावे, थोरूमोङ बातज्‍यीक च्‍यि सासीन ङ्योकोन लाईदु दोक सिन परमेश्‍वरला प्रार्थना खि। चुक सासीन प्रभु येशू बात छिटो छिटो फैले खाला ज्‍येन ज्‍येनगीङ थे बात लेमु दुका सिन ख्‍योकोनगी च्‍योकराङ खाला ङेन्‍स्‍यीत

२ थिस्‍सलोनिकी 3:1 Iomraidhean Croise

लूका 10:2

थेबाताङ बात खिन थेकी “स्‍यीङदु थोक्‍पा रूक्‍पा फाप्‍च्‍येते बाली काल्‍बेई ओत्‍कीन खेतालाचेन टिक्‍पीईकामा ओत्‍सीन स्‍यीङगी धनीला ज्‍येनोङ खेताला गोच्‍या दुक सिन सिरा फाप्‍क्‍यो मेन? थोकराङ खाला ज्‍येनला परमेश्‍वर बात लोप्‍कान्‍ते मि टिक्‍पीईकामा ओतेकी थोक्‍ते मि काल्‍बेई फेल छ्युत सिन ख्‍योकोनगी परमेश्‍वरला प्रार्थना खि। च्‍यिला सासीन परमेश्‍वर राज्‍यदु स्‍यूक्‍पा छोल्‍कान्‍ते मि आउदी काल्‍बेई दुक।

शक्ति काम 12:24

थे बेले नाङपाराङ झन मि काल्‍बेईकी परमेश्‍वर बात थोकीन थे बात ङेन्‍दाला स्‍यूसुङ।

शक्ति काम 19:20

थोक खाईन प्रभु येशू बात झन झन गाङेपा फैले खाईन मि काल्‍बेईकी ङेन्‍दाला स्‍यूसुङ।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

रोमी 15:30

थेमे आज्‍यो न्‍वावे, था ङा ख्‍योकोनला च्‍यि खि सिन बिन्‍ती खिते सासीन ङुरूङ प्रभु येशू ख्रीष्‍टला विश्‍वास खित्‍कान्‍ते मि ईन्‍देकी थेमे परमेश्‍वर आत्‍मेकी ङुरूङला दोक्‍पोईकी ज्‍येनज्‍यीकला ङिङज्‍ये खित ज्‍युत्‍च्‍येते ईन्‍देकी ख्‍योकोनगी ङे लाईदु आउदी खाला परमेश्‍वरताङ प्रार्थना खि। ङा ङाराङोङ प्रार्थना खिन ओत।

१ कोरिन्‍थी 16:9

ङे खित्‍च्‍येते काम रोके खिता छोल्‍कानताङ ङे विरोध खित्‍कान दुरू काल्‍बेई ओत्‍सीनोङ ङाराङगी खिन ओताते काम खित्‍च्‍येते छ्येज्‍यीक मौका ङेत्‍कीन थे काम ङे आउदी लेमु खाईन खिता थुपा ओत।

२ कोरिन्‍थी 1:11

ख्‍योकोनगी ङ्योकोन लाईदु प्रार्थना खिनराङ देत। थोक खासीन मि काल्‍बेईकी खाबाते प्रार्थना ङेन्‍गीन परमेश्‍वरगी ङ्योकोनला थोक खाईन जोए खाबाते बात छ्या स्‍येला झन मि काल्‍बेईकी परमेश्‍वरला धन्‍यवाद तेरग्‍यो।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

१ थिस्‍सलोनिकी 1:8

ख्‍योकोनगी खित्‍सादु प्रभु येशू बात थेबे नाङकामा फैले खाबाते मेन, ख्‍योकोन परमेश्‍वर छ्य्‌वापा लै खाईन थेला विश्‍वास खिताला स्‍यूबाते बात मिओनगी गाङेपा छ्या स्‍येला दुक। ख्‍योकोनगी परमेश्‍वरला विश्‍वास खाबाते बात ङ्योकोनगी सुङलाङ सिरा फाप्‍च्‍या मिन्‍दुक।

१ थिस्‍सलोनिकी 2:1

थेमे आज्‍यो न्‍वावे, ङ्योकोनगी ख्‍योकोन ओत्‍सापा वाकीन खाबाते काम थाराङ खेरो मागाल्‍सुङ सिन ख्‍योकोनला छ्याराङ ओत।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 5:17

परमेश्‍वरला प्रार्थना खित्‍च्‍येते नोमुङ मातोङ,

१ थिस्‍सलोनिकी 5:25

थेमे आज्‍यो न्‍वावे, ख्‍योकोनगीङ ङ्योकोन लाईदु परमेश्‍वरताङ प्रार्थना खि।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।