२ थिस्‍सलोनिकी 2:9 - जिरेल

⁹ थे आउदी पाप खित्‍कान्‍ते मि दुरू वानामेई शैतानगी थेला छ्येज्‍यीक शक्ति तेरग्‍यो। थेमे थे मिकी छ्ये छ्येताङ अचम्‍बतेन्‍दे काम खाला तेन्‍ग्‍यो। थे काम थोङजीन मिओनला परमेश्‍वरगी खित च्‍युताते ईन्‍दासीन सिरा च्‍योकराङ लाङगो।

२ थिस्‍सलोनिकी 2:9 Iomraidhean Croise

मत्ती 12:22

थेरूई मिओनगी ल्‍हन्‍डीक खोबाते मिज्‍यीकला येशू ओत्‍सादु क्‍याल्‍सुङ। ल्‍हन्‍डीक खोबा ओतेकी थे मि मिगीङ मोथोङच्‍या थेमे बादोङ खिता मुथुप्‍च्‍या गाला ओतान। येशूकी थे मिदुकी ल्‍हन्‍डीक तेन्‍गीन ताङनामेई थे मि मिगी थोङच्‍याताङ बादोङ खिता थुप्‍च्‍या गाल्‍सुङ।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

मर्कूस 13:22

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

लूका 11:25

वाला ताजीन थेकी थे गोमा देताते ठाउँ लेमु गाला ओता थोङगो।

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

यूहन्‍ना 8:41

ख्‍योकोनचेन खेराङ आबेकी खित्‍च्‍येते च्‍योक्‍ते काम खिदुक,” सिन सिदुक। थेकी साबाच्‍योक ईनराङ मेन सिन थेबेकी “ङ्योकोननी ज्‍येन मि फिजा मेन। ङ्योकोनते आबाज्‍यीककामा ओत, थेचेन परमेश्‍वरराङ ईन,” सिन सिदुक।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

शक्ति काम 13:10

“खो शैतानताङ डिक्‍कान्‍ते ईन। खो जे लेमुते कामताङ बादोङ मेलेबा जोला ढाँरकामा खिदुक। खो मिला छक्‍के खिताकामा छोल्‍गीदुक। खुई सेम पापकीकामा खाङला दुक। प्रभु परमेश्‍वरगी मिओनला लेमु खिता चालाते काम खो नामसाक ङ्ये ज्‍युता छोल्‍गीते?

२ कोरिन्‍थी 11:14

ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

२ तिमोथी 3:8

होथोक्‍ते फेम्‍मे मिओनला लुला खोपरोङ छ्य्‌वापा लै खित ज्‍युत्‍कान्‍ते मिओनचेन यान्‍नेसताङ याम्‍ब्रेस च्‍योक्‍तेबा ईन। थाङबो होथेबा ङिबोकी मोशे बात माङेन्‍दा च्‍योकराङ होदिबेकीङ सत्‍यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्‍वास खित्‍कान्‍ते मि ईन सासीनोङ परमेश्‍वरगी थेबा थोक्‍ते मि मेन सिओ।

याकूब 3:15

ख्‍योकोनगी बात खाबा च्‍योक्‍ते बुद्धिनी परमेश्‍वरगी बिन्‍दाते ईनराङ मेन। दिनी दि सा लुङबे मिओनगी बात खित्‍च्‍येते च्‍योक्‍ते बुद्धि बात ईन। दोक्‍ते बुद्धिनी दाक्‍पोन खुशी खित्‍कान्‍ते मित्ताङ ओङच्‍येते बुद्धि ईन। थेमे शैतानगी कोता कोता ङेन्‍कान्‍ते मिओनताङ ओङच्‍येते बुद्धि ईन।

छ्या स्‍ये च्‍युताते बात 12:17

थोक ओङनामेईनी थे डुक थे फेम्‍मे मित्ताङ झन आउदी खाईन स्‍येदाङ खासुङ। थेमे थे डुक थे फेम्‍मे मि सन्‍तानताङ जीला थेबाला दुक्‍पा तेराला गाल्‍सुङ। थे फेम्‍मे मि सन्‍तानचेन परमेश्‍वरगी कोताते खिन येशू सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मिओन ईन।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 18:23

थोकराङ खाला था थेरू बत्ती नाम्‍दाकोङ नोमुङ मोथोङो। थेमे फाङमा खित्‍च्‍येते सिरातेङ था थेरू नोमुङ मेङगो। थेरू जोबाते चीजओन छोङकान्‍ते बेपारीओनला लुङबा लुङबे मिकीराङ छ्या स्‍येबा ओतान। थेबाचेन दि पृथ्‍वीते छ्ये छ्ये मि ओतान। थे सारगी झिलिमिली थोङगीन गाङे सा लुङबे मि छक्‍के खाबा ओतान।

छ्या स्‍ये च्‍युताते बात 19:20

तर थे जन्‍तुताङ थे छ्य्‌वापेकी आउदी अचम्‍बतेन्‍दे काम खाला तेन्‍कान्‍ते जन्‍तु ङिकारला जुम्‍गीन ठासुङ। थे ज्‍येनते जन्‍तुचेन डुगी सिर च्‍युताते बात खित्‍कान्‍ते ईन। अचम्‍बतेन्‍दे काम खाईनराङ थे जन्‍तुकी थे गोमे जन्‍तु मिनगी छाप देक ज्‍युत्‍कान्‍ते मिओनताङ थे मूर्तिला माने खित्‍कान्‍तेबाला छक्‍के खाबा ओतान। जुम्‍गीन ठानामेई थेबा ङिकारला सोम्‍बोराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ।

छ्या स्‍ये च्‍युताते बात 20:10

थेमे ईन्‍सीन थोक खाला मिओनला छक्‍के खित्‍कान्‍ते शैतानला गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ। थे जन्‍तु थेमे डुगी सिर च्‍युताते बात खित्‍कान्‍ते जन्‍तुलाङ गोमाका थेमाराङ क्‍युरा ओतान। था थेबा सुमबोकी ङीन नुप नोमुङ ङा स्‍वा मेङेता खाला खपेराङ खिता मुथुप्‍च्‍येते दुक्‍पा भोगे खिनराङ देता फाप्‍क्‍यो।

छ्या स्‍ये च्‍युताते बात 9:11

थे खापान खापान तीङ ओताते डालुमदु ओताते दूतराङ थे छ्युच्‍युपेओन गेल्‍बो ओतान। थे डालुमदु ओताते दूतकी मिनचेन हिब्रू बातला एबाड्डोन थेमे ग्रीक बातला अपोल्‍लियोन ईन। दोक साबाते नाश जोकान्‍ते साबाते ईन।