२ थिस्‍सलोनिकी 2:10 - जिरेल

¹⁰ दोस्‍यिककामा मेन, दोक्‍ते ज्‍येनोङ मेलेबा मेलेबा काम खाला थेकी नरककुण्‍डमा स्‍यूक्‍कान्‍ते मिओनला मिकला छारो ग्‍याप्‍ला थे खोरोङ छ्य्‌वापा लै खित ज्‍युत्‍क्‍यो। थे मिओनगी सत्‍यते बात ङेन्‍दा सेम माक्‍याबेकीराङ थेबा नरककुण्‍डमा स्‍यूक्‍च्‍येते ईन। सत्‍यते बात ङेन्‍दा सेम खाबा ईन्‍सीनचेन परमेश्‍वरगी थेबाला पापदुकी डेल्‍च्‍या ओतान।

२ थिस्‍सलोनिकी 2:10 Iomraidhean Croise

मत्ती 13:11

थोक सिरजीन थेकी “स्‍वर्गे राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। ज्‍येनलाचेन दि बात खो च्‍युता मेत।

यूहन्‍ना 3:17

च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

यूहन्‍ना 5:34

ङे ङा सु ईन्‍दे, चुक्‍ते ईन्‍दे सिन सिरकान्‍ते सुइँदा मि ओङाराङ फाप्‍क्‍यो सिन साबाते मेन। बरू ख्‍योकोनगी पापकी सजाय मेङेत्‍स्‍यीत सिन दि बाततेबा साबाते ईन।

रोमी 10:1

थेमे आज्‍यो न्‍वावे, परमेश्‍वरगी तेरच्‍येते पापकी सजायदुकी ङाराङ इस्राएलीओन थारस्‍यीत सिन ङा आउदी सेम खिओ। थेबेकी थे सजाय भोगे खिता माफाप्‍स्‍यीत सिन ङा परमेश्‍वरताङ प्रार्थना खिओ।

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

१ कोरिन्‍थी 1:18

बात चुक सासीन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिरजीन तिरी नरककुण्‍डमा स्‍यूक्‍कान्‍ते मिओनगीचेन दि लेम्‍बे बात ईन सिन पत्ते मिक्‍किओ। दोक ईन्‍सीनोङ परमेश्‍वरगी पापकी सजायदुकी टालाते मि ङुरूङगीचेन ख्रीष्‍टकी खाबाते थे काम ताला परमेश्‍वर शक्ति चुक छ्ये ईन्‍दे सिन छ्या स्‍येबा थुप्‍क्‍यो।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

२ कोरिन्‍थी 11:13

होथेबानी ख्रीष्‍टकी खटे खाबाते मि ईनराङ मेन। थेबा मिला छक्‍के खाला ठगे खित्‍कान्‍तेबा ईन। थेबानी ख्रीष्‍टकी खटे खाबाते मिकी च्‍योक खित्‍जुम खित्‍कान्‍तेबाकामा ईन।

२ कोरिन्‍थी 11:15

थेमे शैतानगी खि साबाते काम खित्‍कान्‍ते मिओन परमेश्‍वरगी खि साबाते खित्‍कान्‍ते मि च्‍योकराङ ओङाते च्‍यि अचम्‍बे बात ओङसुङारो? परमेश्‍वरगी था तिरी थेबे काम ताला सजाय तेरग्‍यो।

२ कोरिन्‍थी 2:15

परमेश्‍वरते जय जय ओङस्‍यीत सिन ङ्योकोनगी लोप्‍च्‍येते ख्रीष्‍टकी बात धूपकी बास्‍ना फैले खिता च्‍योकराङ खाला मिओन नाङ फैले खिन ओत। दोक खाला ख्रीष्‍टकी पापदुकी डेल्‍गीन ओताते मि ईन्‍स्‍यीत, नरककुण्‍डमा स्‍यूक्‍कान्‍ते मि ईन्‍स्‍यीत मि गाङेकी ङ्योकोनगी लोप्‍कीन ओताते बात थोकीन ओत।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

२ थिस्‍सलोनिकी 2:12

थोक खाला सत्‍यते बात माङेन्‍ला खालि परमेश्‍वरगी माकेत साबाते कामकामा खिता सेम खाला थोकराङ खित्‍कान गाङेला परमेश्‍वरगी थेबेकी ङेता फाप्‍च्‍येते सजाय तेरग्‍यो।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ तिमोथी 2:4

मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

हिब्रू 3:13

थोगी परमेश्‍वर बात ङेन्‍दा ताङला पाप खाला परमेश्‍वर छ्य्‌वापेई ठाला माफाप्‍स्‍यीत सिन परमेश्‍वर बात ङेन्‍दा फाप्‍क्‍यो सिन ख्‍योकोनगी दोक्‍पोईकी ज्‍येनज्‍यीकला ङीमे ठाङमा सिन देत। खेराङगी “थरिङ दिन” सिरा ङेत ङेतसाकराङ ख्‍योकोनगी दोक खिनराङ देत।

२ पत्रुस 2:12

परमेश्‍वर बातताङ मिडिक्‍च्‍येते बात लोप्‍कान्‍ते मिओनगीचेन खोपरोङगी माखोबाते बात गाङे ठट्टाला पुरग्‍यो। थेबा सो साकान्‍ते पशु च्‍योकराङ ईन। सेता सेम लाङजीन पशुतेबा ग्‍याङ सेताच्‍योक खाला होथेबालाङ परमेश्‍वरगी सजाय बिन्‍ला नरककुण्‍डमा लुक्‍यो।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।