२ थिस्‍सलोनिकी 1:9 - जिरेल

⁹ होथोक्‍ते मिओनगी ङेत्‍च्‍येते सजाय च्‍यि ईन्‍दे सासीन थेबाचेन प्रभु येशू दोन्‍दु बान्‍दा देता मेङेदो। थेत्ताङ चुक छ्येज्‍यीक शक्ति ओता ईन्‍दाका सिनोङ नोमुङ थोङा मेङेदो। थेबेकीनी सधैँभरि आउदी खाला दुक्‍पा भोगे खिनराङ देता फाप्‍क्‍यो।

२ थिस्‍सलोनिकी 1:9 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 22:13

थेमे थे गेल्‍बोकी थे खोरोङ काम खित्‍कान्‍तेबाला ‘लो दिते लाक्‍पा काम्‍बा ठाला च्‍याला स्‍येदाङगी सा थागीन खोक्‍पो खाला ङुइन देत्‍सामा मुन्‍दाकला देताला फिला तेन्‍ला थोङ,’ सिन कोत्‍तुक्‍लो।

मत्ती 24:30

थेमे थे बेलाला नामने ताजीन परमेश्‍वर ओत्‍सादुई वाबाते मि ङा ओङा खाबाते थोङगो। थे छोमु ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे लाक्‍तु देत्‍ला स्‍वर्गनेकी देमा ओङा थोङला था सजाय ङेत्‍क्‍यो सिन ज्‍यीबेकी लुङबा लुङबे मि गाङेराङ झ्‍याउँ झ्‍याउँ ङुइओ।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मत्ती 7:23

थेबेकी थोक थोक खाबाते ईन्‍सीनोङ ङाचेन थेबाला ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन, दुरू मादेत, दुरूकी ग्‍युक,’ सिओ।

लूका 13:27

ख्‍योकोनगी थोक सिरजीनोङ थे खाम्‍बे धनीकीचेन ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन। दुरू मादेत, दुरूकी ग्‍युक,’ सिन सिओ।

यूहन्‍ना 5:14

टिक्‍पी तिरी येशूकी थेला याङराङ परमेश्‍वर मन्‍दिरदु ठेत्‍कीन “थोङसुङ खो चुक लेमु खाईन ठाक्‍सुङा? थाचेन लोक्‍ला थोङला च्‍योक मेलेबा काम माकेत। याङराङ थोक खासीन खोल्‍ला झन मेलेबा ओङगो,” सिन सिदुक।

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

१ थिस्‍सलोनिकी 5:3

मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

२ थिस्‍सलोनिकी 2:8

थेला किल्‍सादुकी ताङनामेईकामा थे दुरू ओङगो। थेमे थे खोरोङ नाम्‍दाककी झिलिमिली गाल्‍ला ग्‍युरला ओङाईताङ प्रभु येशूकी थेला दाक ग्‍याल्‍ग्‍यो, थेकी थेला पालोईला फु खालाराङ सेत्‍क्‍यो।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 10:29

होथोक्‍ते मिकीनी थोक ज्‍यीबा लाङच्‍याई सजाय ङेत्‍क्‍यो सासीन परमेश्‍वर फुज्‍युङला काम्‍बे पुज्‍या छेदोङ गने मिक्‍किकान्‍ते, दाक्‍पोन सेम खुदुक जोच्‍येते जमान पूरो खित्‍कान्‍ते परमेश्‍वर फुज्‍युङ ठाकला छ्याःङ काम लै मिक्‍किच्‍येते च्‍योक ठाने खित्‍कान्‍ते थेमे मिओनला दया खित्‍कान्‍ते परमेश्‍वर आत्‍मे विरोध खित्‍कान्‍ते मिकी झन चुक ज्‍यीबा लाङच्‍याई सजाय ङेदोङा सिन ख्‍योकोन खेराङराङ विचार खि।

२ पत्रुस 2:17

परमेश्‍वर बातताङ मिडिक्‍च्‍येते बात लोप्‍कान्‍ते होथे मिओननी छ्यु काम्‍गीन सिन्‍दाते क्‍वा च्‍योकराङ ईन। थेमे छ्यार्बे थोपोज्‍यीगोङ मेताते ल्‍हाबेकी पुरगीन खेराते मुक्‍पा च्‍योकराङ ईन। होथेबाला सजाय तेराला परमेश्‍वरगी नरककुण्‍डमा आउदी मुन्‍दाकज्‍यीक ठाउँ ठीक खाईन ज्‍याक्‍पा ओत।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

यहूदा 1:13

दोस्‍यिककामा मेन, थेबाचेन जेसुकै फोर मैलो उरला खुलाङकान्‍ते समुन्‍द्रे छाल च्‍योक्‍ते ईन। समुन्‍द्रे छालगी उरगीन खुलाकीन समुन्‍द्रे छेउदु बाम्‍बाते फोर मैलोतेबा गाङे थोङा च्‍योकराङ होथेबेकी खाबाते मेलेबाते कामतेबाङ गाङेकी थोङगो। थेबा ग्‍वाका नामनेकी ङील्‍ला तोरला डोच्‍येते कार्मे क्‍याक्‍पा च्‍योक्‍ते ईन। होथोक्‍ते मिओनला सधैँभरि सजाय तेराला परमेश्‍वरगी नरककुण्‍डमा आउदी मुन्‍दाकज्‍यीक ठाउँ ठीक खाईन ज्‍याक्‍पा ओत।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।