२ थिस्‍सलोनिकी 1:5 - जिरेल

⁵ ख्‍योकोनगी थोक खिन ओताते ताला परमेश्‍वरगी सुङलाङ काका पाका मिक्‍किता खाला न्‍याय खिओ सिन छ्या स्‍येक्‍यो। चुक सासीन परमेश्‍वर राज्‍यने देता ङेत्‍क्‍यो सिन ख्‍योकोनगी थरिङोला दुक्‍पा भोगे खिन ओताते ताला ख्‍योकोनगी लेमु खासुङ सिन परमेश्‍वरगी ख्‍योकोनला थे खोरोङ राज्‍यने देत ज्‍युत्‍क्‍यो।

२ थिस्‍सलोनिकी 1:5 Iomraidhean Croise

लूका 20:35

तिरी जुनी बातचेन खुदुक ईन। थेजीन सोम्‍बो लोक्‍ला परमेश्‍वरताङ देता ङेत्‍कान्‍ते मिओनगी फाङमा मिक्‍किओ। थेजीन फाङमा खित्‍च्‍येते बात छ्याःङ मेङगो।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

फिलिप्‍पी 1:28

खेराङ विरोध खित्‍कान्‍ते मिओनगी ख्‍योकोनला जति ज्‍यीबा लाङसीनोङ थेबाताङ छ्याःङ ज्‍यीबा माकेत। जति दुक्‍पा तेरजीनोङ ख्‍योकोनगी गा लाङच्‍येते बात ङेन्‍गीन देता थोङजीन थेबेकी ख्‍योकोनला ग्‍याला मुथुप्‍च्‍याक्‍वा, दोक खाबेकी था परमेश्‍वरगी खोपरोङला सजाय तेरग्‍यो सिन छ्या स्‍येक्‍यो। थेमे ख्‍योकोनगीचेन होथेबेकी च्‍योक खाला नोमुङ पापकी सजाय भोगे खिता माफाबो सिन छ्या स्‍येक्‍यो।

कलस्‍सी 1:12

थेमे ख्‍योकोनगी आबा परमेश्‍वरला धन्‍यवाद सिरा थुप्‍स्‍यीत सिनोङ प्रार्थना खिओ। थेकी थे खोरोङ सन्‍तानओनगी स्‍वर्गे राज्‍यने ङेत्‍च्‍येते गाङे ङुरूङगीङ ङेत्‍क्‍यो सिन साबा ओत।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

२ थिस्‍सलोनिकी 1:11

होदि बाततेबा टोक मेज्‍येता खाला ङ्योकोन ख्‍योकोन लाईदु जहिलेङ ङुरूङ परमेश्‍वरला दोक सिन प्रार्थना खिओ। चुक सासीन थेकी ख्‍योकोनला थे खोरोङ दोन्‍दु स्‍योक सिन काताङाते ईन्‍देकी ख्‍योकोन चुक ओङा फाप्‍च्‍येते ईन्‍दे थोकराङ ओङ ज्‍युत्‍स्‍यीत। दोक खाला ख्‍योकोनगी खिता चालाते लेमुते कामताङ बात थेमे प्रभु येशूला विश्‍वास खाईन खिताला स्‍यूबाते कामतेबा गाङे परमेश्‍वरगी ख्‍योकोनला थे खोरोङ शक्ति बिन्‍ला पूरो खित ज्‍युत्‍स्‍यीत सिन प्रार्थना खिओ।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 16:7

थोक साकीन सिन्‍नामेकी “ईन ईन, गाङे भन्‍दा छ्येज्‍यीक शक्ति ओताते प्रभु परमेश्‍वर, खोचेन सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते ईन,” सिन साबातेङ थोसुङ। दि ङोरोचेन थे थानदुकी थेन्‍दा ओतान।

छ्या स्‍ये च्‍युताते बात 19:2

सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते थेराङ ईन। थे मोरोङगी खिन ओताते खिता मेङच्‍येते ङोचा लाङच्‍येते काम खित च्‍युत्‍ला दि सा लुङबा खाङगी मिला ङ्ये ज्‍युत्‍कान्‍ते छ्याःङ ङोचा मेताते रन्‍डीला थेकी सोई खित्‍च्‍याज्‍यीकराङ सजाय बिन्‍दा ओत। थे खोरोङ काम खित्‍कान्‍ते मिओनला सेतेकी थेकी थेला सजाय बिन्‍दा ओत,” सिन ओतान।

छ्या स्‍ये च्‍युताते बात 3:4

तर सार्डिसदु ख्‍योकोन नाङ लाला लालेकी खोपरोङ खोलाकला छ्याःङ दाग खो च्‍युता मिन्‍दुक। थेबा कार्मुते खोलाक खोन्‍ला ङात्ताङ ख्‍याम्‍बा सोई खित्‍कान्‍ते मि ईन।