२ थिस्‍सलोनिकी 1:4 - जिरेल

⁴ थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ थिस्‍सलोनिकी 1:4 Iomraidhean Croise

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 8:25

थोगी परमेश्‍वरगी ङुरूङ लाईदु खिओ साबाते थेकी ङीमाई गाङे साबा च्‍योकराङ खिओ सिन ङुरूङ सेम मेसेता खाईन गुकीनराङ देता ओत।

१ कोरिन्‍थी 7:17

जे ईन्‍सीनोङ प्रभु येशूकी दाक्‍पोन दाक्‍पोनला च्‍यि खि साबा ओते, चुक खाला देता फाप्‍क्‍यो साबा ओते थोकराङ खिता फाप्‍क्‍यो। च्‍यि सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन खेराङ चुक ओताने, च्‍यि खिन ओताने थोकराङ खिन देत। ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला ङा दि बातराङ सिओ।

२ कोरिन्‍थी 12:10

थोगी ङाराङगी छ्याःङ खिता मुथुप्‍जीन ईन्‍स्‍यीत, ज्‍येनगी ङाराङला इज्‍जत बेइज्‍जत खित्‍जीन ईन्‍स्‍यीत, दुक्‍पा ङेत्‍जीन ईन्‍स्‍यीत, मिओनगी ङाराङला खेदापानी खित्‍जीन ईन्‍स्‍यीत थेमे आपत् विपत्‌ला फाप्‍जीन ईन्‍स्‍यीत ख्रीष्‍टकी मि ईन्‍देकी ङानी सधैँ गा खिन देता थुप्‍क्‍यो। दोक खाला ङाराङगी छ्याःङ खिता मुथुपे बेलालाराङ ख्रीष्‍टकी शक्ति ङेता ओतेकी ङे जेङ खिता थुप्‍कीदुक।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 7:4

ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

२ कोरिन्‍थी 9:4

ङात्ताङ थेपा म्‍यासिडोनिये मिओन ओङजीन ख्‍योकोनगी थे पैसा जम्‍मा खाईन ज्‍याक्‍पा मेत्‍सीन ङ्योकोनला चुक ङोचा लेबोङा। ख्‍योकोनतेनी झन ङोचेकी छ्येत तेन्‍च्‍ये लामोङ मेदेदो।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

२ थिस्‍सलोनिकी 3:5

थेमे परमेश्‍वरगी खेराङला थोई ङिङज्‍ये खित्‍च्‍या ईन्‍दाका सिन ख्‍योकोनगी झन लेमु खाला छ्या स्‍येस्‍यीत थेमे जतिराङ दुक्‍पा ओङसीनोङ ख्रीष्‍टकी च्‍योकराङ सेम मेसेता खाला दुक्‍पा खपे खिन देता थुप्‍स्‍यीत सिन ङ्योकोन प्रभु येशू ख्रीष्‍टताङ प्रार्थना खिओ।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

याकूब 5:11

जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

२ पत्रुस 1:6

दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।