२ थिस्‍सलोनिकी 1:3 - जिरेल

³ आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ थिस्‍सलोनिकी 1:3 Iomraidhean Croise

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

लूका 17:5

थेमे येशू ख्रीष्‍टकी खटे खाबाते चेलाओनगी “प्रभु, ङ्योकोनला खुई शक्ति छ्य्‌वापेई जस्‍तो कामोङ ओङा थुप्‍क्‍यो सिन झन लेमु खाला परमेश्‍वरला विश्‍वास खित्‍कान्‍ते मि जो,” सिन सासुङ।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

१ कोरिन्‍थी 1:4

ङा ख्‍योकोन लाईदु सधैँ परमेश्‍वरला धन्‍यवाद तेरग्‍यो। च्‍यिला सासीन येशू ख्रीष्‍टकी खित्‍सादु थेकी ख्‍योकोनला दया खाबा ओत।

२ कोरिन्‍थी 10:15

लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

१ थिस्‍सलोनिकी 3:12

थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

१ थिस्‍सलोनिकी 3:9

ख्‍योकोनगी थोक खिनराङ ओतेकी ङ्योकोनला आउदी गा लासुङ। दि बातकी लाईदु ङ्योकोनगी ङुरूङ परमेश्‍वरला चुक सिन धन्‍यवाद तेरच्‍ये खोइ? थेलानी जतिराङ धन्‍यवाद बिन्‍सीनोङ नोमुङ मादाङो।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

२ पत्रुस 1:13

ङा ङाराङ सोन्‍ला देत देतसाकराङ दि बातओन याङ याङ साला ख्‍योकोनला सम्‍झे खित ज्‍युता लेमु ईन सिराच्‍योक लाङगीदुक।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।