२ थिस्‍सलोनिकी 1:12 - जिरेल

¹² परमेश्‍वरगी ख्‍योकोनला ङ्योकोनगी प्रार्थना खाबा च्‍योकराङ खानामेई ख्‍योकोनगी खित्‍सादु ङुरूङ प्रभु येशूकी छ्येज्‍यीक मान ङेत्‍क्‍यो थेमे थेकी ख्‍योकोनलाङ मान तेरग्‍यो। दोक दोक ओङच्‍येतेचेन गाङे ङुरूङ परमेश्‍वरताङ प्रभु येशू ख्रीष्‍ट दयेकी खित्‍सादुराङ ईन।

२ थिस्‍सलोनिकी 1:12 Iomraidhean Croise

यूहन्‍ना 17:10

ङात्ताङ ओताते जति गाङे खुईतेराङ ईन थेमे खोत्ताङ ओताते ङेतेङ ईन। ङा चुक छ्ये ईन्‍दे सिन ज्‍येनला तेन्‍ला तेरकान्‍ते दिबाराङ ईन।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

१ कोरिन्‍थी 1:4

ङा ख्‍योकोन लाईदु सधैँ परमेश्‍वरला धन्‍यवाद तेरग्‍यो। च्‍यिला सासीन येशू ख्रीष्‍टकी खित्‍सादु थेकी ख्‍योकोनला दया खाबा ओत।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,