२ थिस्‍सलोनिकी 1:10 - जिरेल

¹⁰ थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

२ थिस्‍सलोनिकी 1:10 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 24:36

तर ङे ओङगो साबाच्‍योक ओङच्‍येते च्‍यि छोमु, नाम खजो बेलाला ओङगीते सिनचेन परमेश्‍वर दूतओनला थेमे परमेश्‍वर फुज्‍युङलाङ छ्या मेत। दि बात खालि आबालाकामा छ्या ओत।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मत्ती 7:22

था परमेश्‍वरगी न्‍याय खिते छोमु चुक ओङगीते सासीन स्‍वर्गने स्‍यूक्‍पा मेङेत्‍कान्‍ते मि काल्‍बेईकी ङाला ‘ए प्रभु, च्‍यि ङ्योकोनगी खुई मिनगी छ्य्‌वापेई परमेश्‍वरगी सिर च्‍युताते बात खाबा मेतानरो? थेमे च्‍यि ङ्योकोनगी खुई मिन लाकीन मिओनला खोबाते ल्‍हन्‍डीकओन तेन्‍गीन ताङा मेतान? थोकराङ खाईन च्‍यि ङ्योकोनगी खुई मिनगी छ्य्‌वापेई अचम्‍ब अचम्‍बतेन्‍दे काम काल्‍बेई खाबा मेतानरो?’ सिन सिओ।

लूका 10:12

ङा ख्‍योकोनला च्‍यि सिते सासीन थाङबो सदोम सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

यूहन्‍ना 11:4

थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।

यूहन्‍ना 17:10

ङात्ताङ ओताते जति गाङे खुईतेराङ ईन थेमे खोत्ताङ ओताते ङेतेङ ईन। ङा चुक छ्ये ईन्‍दे सिन ज्‍येनला तेन्‍ला तेरकान्‍ते दिबाराङ ईन।

१ कोरिन्‍थी 1:6

ङ्योकोनगी ख्‍योकोनला लाप्‍कीन बिन्‍दाते ख्रीष्‍टकी बात ख्‍योकोनगी लेमु खाईन ङेन्‍सुङ, थे बात ख्‍योकोनगी लेमु खाईन खोबा ओत।

१ कोरिन्‍थी 3:13

थेमे खाम्‍बा जोकान्‍ते मिओनगी सु सुकी चुक खाईन जोबा ओता ईन्‍दाका सिन ङीमाई गाङे छ्या स्‍येक्‍यो। येशू ख्रीष्‍ट ग्‍युरला वाला मि गाङे न्‍याय खिते छोमु सु सुकी चुक खाबा ओता ईन्‍दाका सिन डेल्‍ग्‍यो। सु मि काम चुक दुका सिन थे छोमु मे नाङ लुक्‍ला तेइओ।

गलाती 1:24

ङे थोक खिताला स्‍यूदुक्‍लो सिन छ्या स्‍येनामेई थेबेकी परमेश्‍वरगी चुक अचम्‍ब काम खासुङा सिन थेते जय जय खाबा ओतान।

एफिसी 1:12

थे खोरोङ आउदी अचम्‍ब खाला काम खित्‍कान्‍ते ईन सिन थेते जय जय खिता थुप्‍स्‍यीत सिन ज्‍येनगी भन्‍दा गोमामेई ख्रीष्‍टला विश्‍वास खित्‍कान्‍ते ङ्योकोनला थेकी होथोक खाईन छाने खासुङ।

एफिसी 1:14

ङुरूङगी परमेश्‍वर आत्‍मा ङेता ओतेकी परमेश्‍वरगी तिरी ङुरूङला तेरग्‍यो सिन साबा ओताते जति गाङे ङेत्‍क्‍यो सिन ङुरूङगी छ्या स्‍येक्‍यो। थेकी थे खोरोङ मि गाङेला पूरो खाला पापदुकी टाल्‍ला थे खोरोङताङ देत ज्‍युत्‍जीन थेकी ङुरूङला तेरग्‍यो सिन साबा ओताते जति गाङे ङुरूङगी ङेत्‍क्‍यो। थेकी खाबाते होदि गाङे काम ताला थे चुक अचम्‍ब खाला काम खित्‍कान्‍ते ईन्‍दे सिन ङुरूङगी थेते जय जय खिता थुप्‍स्‍यीत सिन परमेश्‍वरगी होदि गाङे काम खाबाते ईन।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:10

थाचेन गाङेपा जम्‍मा ओङकान्‍ते येशू ख्रीष्‍ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्‍दे सिन परमेश्‍वरगी स्‍वर्गने ओताते छ्ये टेक्‍टे थे खोरोङ दूत गाङेला छ्या स्‍ये च्‍युत्‍कीन बिन्‍सुङ।

एफिसी 3:16

थे आउदी खाला दया खित्‍कान्‍ते ईन्‍देकी थेमे थेत्ताङ छ्येज्‍यीक शक्ति ओतेकी थेकी थे खोरोङ आत्‍मेकी ख्‍योकोन सेमगी नाङ शुरू खाबाते काम खिन देत्‍ला ख्‍योकोनला थे खोरोङगी ज्‍वा चालाच्‍योक ओङाला झन शक्ति तेरस्‍यीत

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

१ थिस्‍सलोनिकी 2:1

थेमे आज्‍यो न्‍वावे, ङ्योकोनगी ख्‍योकोन ओत्‍सापा वाकीन खाबाते काम थाराङ खेरो मागाल्‍सुङ सिन ख्‍योकोनला छ्याराङ ओत।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

२ थिस्‍सलोनिकी 1:12

परमेश्‍वरगी ख्‍योकोनला ङ्योकोनगी प्रार्थना खाबा च्‍योकराङ खानामेई ख्‍योकोनगी खित्‍सादु ङुरूङ प्रभु येशूकी छ्येज्‍यीक मान ङेत्‍क्‍यो थेमे थेकी ख्‍योकोनलाङ मान तेरग्‍यो। दोक दोक ओङच्‍येतेचेन गाङे ङुरूङ परमेश्‍वरताङ प्रभु येशू ख्रीष्‍ट दयेकी खित्‍सादुराङ ईन।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 1:18

था प्रभु येशू ख्रीष्‍ट ग्‍युरला ओङे छोमु थेकी थेला दया खित्‍स्‍यीत। ङा एफिससदु देता ओत्‍जीनोङ थेकी ङाला थोई मद्धत खाबा ओताने सिन खोल्‍लाङ छ्याराङ ओत।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।