२ पत्रुस 3:7 - जिरेल

⁷ थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

२ पत्रुस 3:7 Iomraidhean Croise

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 11:22

थोगी ङा ख्‍योकोनला च्‍यि सिते सासीन परमेश्‍वरगी न्‍याय खिते छोमु ख्‍योकोनला छेत सजायनी थेकी टायरताङ सीदोन सारगी मिलाङ मेतेरो।

मत्ती 11:24

थोगी ङा ख्‍योकोनला च्‍यि सिते सासीन था न्‍याय खिते छोमु ख्‍योकोनला छेत सजायनी परमेश्‍वरगी सदोम सारगी मिलाङ मेतेरो,” सिन सिदुक।

मत्ती 12:36

दि बात ङेन। च्‍यि सासीन था तिरी परमेश्‍वरगी न्‍याय खिते छोमु मिओनगी दाक्‍पोनगी खाबाते सिरा मेङच्‍येते कामराङ लै मिक्‍किच्‍येते गाङे बातकी हर हिसाब परमेश्‍वरला तेरा फाप्‍क्‍यो।

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मर्कूस 6:11

खेराङ लेप्‍सादु मिओनगी ख्‍योकोनला लेमु माक्‍यासीन थेमे ख्‍योकोनगी लापाते बात ङेन्‍दा सेम माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन साकीन थेरूई ताङसुङ।

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

१ कोरिन्‍थी 3:13

थेमे खाम्‍बा जोकान्‍ते मिओनगी सु सुकी चुक खाईन जोबा ओता ईन्‍दाका सिन ङीमाई गाङे छ्या स्‍येक्‍यो। येशू ख्रीष्‍ट ग्‍युरला वाला मि गाङे न्‍याय खिते छोमु सु सुकी चुक खाबा ओता ईन्‍दाका सिन डेल्‍ग्‍यो। सु मि काम चुक दुका सिन थे छोमु मे नाङ लुक्‍ला तेइओ।

फिलिप्‍पी 1:28

खेराङ विरोध खित्‍कान्‍ते मिओनगी ख्‍योकोनला जति ज्‍यीबा लाङसीनोङ थेबाताङ छ्याःङ ज्‍यीबा माकेत। जति दुक्‍पा तेरजीनोङ ख्‍योकोनगी गा लाङच्‍येते बात ङेन्‍गीन देता थोङजीन थेबेकी ख्‍योकोनला ग्‍याला मुथुप्‍च्‍याक्‍वा, दोक खाबेकी था परमेश्‍वरगी खोपरोङला सजाय तेरग्‍यो सिन छ्या स्‍येक्‍यो। थेमे ख्‍योकोनगीचेन होथेबेकी च्‍योक खाला नोमुङ पापकी सजाय भोगे खिता माफाबो सिन छ्या स्‍येक्‍यो।

२ थिस्‍सलोनिकी 2:3

होथोक्‍ते बात ङेन्‍ला ख्‍योकोन सुङ छक्‍के माकेत। च्‍यिला सासीन मि काल्‍बेईकी परमेश्‍वरगी खि साबाते ङेन्‍दा ताङगीन थे विरोध माक्‍याथुप थेमे आउदी पाप खित्‍कान्‍ते मि मावाथुपनी प्रभु येशू ग्‍युरला ओङच्‍येते दिन ओङराङ मेङगो। थे आउदी पाप खित्‍कान्‍ते मिकी छ्येज्‍यीक सजाय ङेत्‍ला नरककुण्‍डमा ड्वा फाप्‍क्‍यो।

१ तिमोथी 6:9

छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

हिब्रू 12:29

च्‍यिला सासीन ङुरूङ परमेश्‍वर मेकी जेसुकै थाला ज्‍वापच्‍योक खाला सजाय तेरकान्‍ते परमेश्‍वर ईन।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

२ पत्रुस 3:12

परमेश्‍वरगी मि गाङे न्‍याय खित्‍च्‍येते थे दिन होत्ता ओङस्‍यीत सिन ख्‍योकोन होदोक खाला लेमु कामताङ बात खिन देत। थे छोमु नामचेन मेकी छिक्‍ला सोला डुइओ। थेमे दागार, ङीमाताङ कार्मातेबाङ मे रापकी खित्‍सादु बिले खाला खतम डुइओ।

१ यूहन्‍ना 4:17

थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।

छ्या स्‍ये च्‍युताते बात 17:11

थेमे थे जन्‍तु गोमा पालोईनी ओतान, थरिङोला मेत। थेचेन गेल्‍बो गेतबो ईन। ईन्‍सीनोङ थेङ थे गेल्‍बो दुईनबो नाङराङ फाप्‍क्‍यो। थेमे थे थेन्‍गीन वानामेई सजाय ङेत्‍ला नरककुण्‍डमा ड्वा फाप्‍क्‍यो।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 21:1

थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।