२ पत्रुस 3:3 - जिरेल

³ दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

२ पत्रुस 3:3 Iomraidhean Croise

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ तिमोथी 3:1

थेमे खुई दि बादोङ लेमु खाला छ्या स्‍येला स्‍योक। च्‍यि सासीन था दि जुग सिन्‍दे खाला आउदी ज्‍यीबा लाङच्‍याज्‍यीक समय ओङगो।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

२ पत्रुस 1:20

ज्‍येनतोक भन्‍दाङ दि बातचेन ख्‍योकोनगी लेमु खाला छ्या स्‍येबा फाप्‍क्‍यो। च्‍यि सासीन परमेश्‍वर बातला टिबा ओताते परमेश्‍वरगी सिर च्‍युताते बाततेबा दोक्‍पोईओङ परमेश्‍वर बात खित्‍कान्‍ते मिओन खोपरोङगी जोकीन साबाते बात मेन।

२ पत्रुस 2:10

खास खालाचेन खोपरोङ सेम मेलेबा ओत्‍कीन दाक्‍पोन खुशी खिन खिता मेङच्‍या आउदी मेलेबा मेलेबा काम खित्‍कान्‍ते थेमे परमेश्‍वरताङ ज्‍येन सुङगीङ अधीनला मेदेत्‍कान्‍तेबाला चुक खाला सजाय तेरा फाप्‍कीते सिन थेला लेमु खाला छ्या ओत। परमेश्‍वर बातताङ मिडिक्‍च्‍येते बात लोप्‍कान्‍ते होथे मिओनगी सुङताङ ज्‍यीबा ख्‍यारा मिक्‍किता खाला ङा ङाराङ ईन सिराच्‍योक खिओ। थेबेकीनी पाप खित्‍कान्‍ते परमेश्‍वर दूतओनलाङ छ्याःङ ज्‍यीबा मिक्‍किता खाला विरोध खिओ।

१ यूहन्‍ना 2:18

फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?