२ पत्रुस 3:2 - जिरेल

² परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

२ पत्रुस 3:2 Iomraidhean Croise

लूका 1:70

शत्रु लाःक्‍तुकी थेमे ङुरूङला मिगी थोङसार्मु खित्‍कान्‍तेबा गाङे लाःक्‍तुकी डेल्‍ग्‍यो सिन परमेश्‍वरगी थे खोरोङ बात खित्‍कान्‍ते मिओनला गोमाकाराङ सिर च्‍युता ओतान।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

२ पत्रुस 2:21

परमेश्‍वरगी खि साबाते खोपरोङला लाप्‍कीन बिन्‍दाते बात ङेन्‍दाला स्‍यूनामेकी थे ङेन्‍दा तोङा भन्‍दानी थेबेकी बरू परमेश्‍वरगी मिओनगी चुक खिता फाप्‍कीते सिन साबाते होदि बात नोमुङ छ्या मास्‍येबा ईन्‍सीन लेमु ओङच्‍या ओतान।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।

यहूदा 1:17

ङिङज्‍येते आज्‍यो न्‍वावे, ख्‍योकोनगी ङुरूङ प्रभु येशू ख्रीष्‍टकी खटे खाबाते मिओनगी खेराङला गोमाबा साबाते बाततेबा ठेम्‍बा खि।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।