२ पत्रुस 3:18 - जिरेल

¹⁸ ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

२ पत्रुस 3:18 Iomraidhean Croise

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 4:15

ङुरूङगीचेन मेन्‍दे बात खिता साटोला बरू दाक्‍पोन नाङ ङिङज्‍ये खिन परमेश्‍वरते सत्‍यते बातकामा खिता फाप्‍क्‍यो। दोक खिन डोजीन ङुरूङ कामताङ बात गाङे ख्रीष्‍टकी च्‍योकराङ लेमु खिता थुप्‍कान डुइन गाल्‍ला ङुरूङ गोः च्‍योकराङ ईन्‍दाते ख्रीष्‍टताङ झन जीउज्‍यीकराङ डुइन डुइओ।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ तिमोथी 4:18

थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

१ पत्रुस 2:2

बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 1:2

आबा परमेश्‍वरताङ प्रभु येशूकी ख्‍योकोनला झन झन दया खाला लेमु खिनराङ देत्‍स्‍यीत। दोक ओङनामेई परमेश्‍वरताङ ङुरूङ प्रभु येशू सु ईन्‍दे, चुक्‍ते ईन्‍दे सिन झन लेमु खाला छ्या स्‍येक्‍यो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 1:8

होदोक दोककामा खिन गाल्‍सीन ङुरूङ प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येबाते बात ख्‍योकोनगी कामगीराङ खाला तेन्‍दा थुप्‍क्‍यो।

२ पत्रुस 2:20

ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।

यहूदा 1:25

परमेश्‍वर थेकामा ईन। ङुरूङला पापकी सजायदुकी डेल्‍कान्‍ते थेराङ ईन। थेते जय जय ओङस्‍यीत, थे आउदी छ्ये ईन, थेकी गाङेपा गाङेला राज्‍य खिओ थेमे थेत्ताङ जस्‍तोङ खित्‍च्‍येते अधिकार ओत। ङुरूङ प्रभु येशू ख्रीष्‍ट छ्य्‌वापेकी ङुरूङगी जुग जुगनामेई थरिङसाक ओता च्‍योकराङ थे सधैँभरि दोकराङ ओङला देत्‍स्‍यीत सिन सिइ। आमेन।

छ्या स्‍ये च्‍युताते बात 1:6

थेकी ङुरूङला थे खोरोङताङराङ राज्‍य खित्‍कान्‍ते मि जोसुङ थेमे ङुरूङगी थे खोरोङ आबा परमेश्‍वरला माने खित्‍स्‍यीत सिन थेकी ङुरूङला परमेश्‍वर पूजारी जोसुङ। थेते सधैँभरि जय जय ओङस्‍यीत, थेकी राज्‍य खिनराङ देत्‍स्‍यीत। आमेन।