२ पत्रुस 3:14 - जिरेल

¹⁴ थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

२ पत्रुस 3:14 Iomraidhean Croise

मत्ती 24:26

थोगी मिओनगी ख्‍योकोनला लो ख्रीष्‍टनी वाकीन उ फिपा री नाङपा देत्‍ला दुक सासीन थेबे बात पत्ते माकेत, थेपा मान्‍डो। थोकराङ खाईन सुइँदेकी ख्रीष्‍टनी उ फिपा खाम्‍बे नाङ ईप्‍कीनका देत्‍ला दुक सिन सासीनोङ थेपा छोल मान्‍डो।

मत्ती 25:7

थेमे थेबा गाङेराङ खागा खोगा लाकीन दाक्‍पोन दाक्‍पोन बत्ती छाँटे खिताला स्‍यूदुक्‍लो।

लूका 12:43

तिरी मालिकते ग्‍युरला ओङजीन थेकी साबा साबा काम खिन देता ओत्‍सीन थेला लेमु ओङगो।

लूका 2:29

थेमे परमेश्‍वरते जय जय खिन “प्रभु परमेश्‍वर, खुई ङाला गोमा छ्या स्‍ये च्‍युताते बात साबा च्‍योकराङ खासुङ। थानी ङा स्‍यिसीनोङ ङाला छ्याःङ दुक्‍पा मेत।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

फिलिप्‍पी 1:10

थेकी थोक खानामेई ख्‍योकोनगी जुन बेलालाङ च्‍यि खिता लेमु ईन्‍दे सिन लेमु खाला डेला थुप्‍क्‍यो। थोक ओङनामेकी ख्रीष्‍ट ग्‍युरला ओङे छोमु ख्‍योकोन सेमला मेलेबा मेताते, सुङगीङ दिबेकी दि दि गल्‍ती खाबा ओत सिरा मुथुप्‍च्‍येतेन्‍दे

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

फिलिप्‍पी 3:20

ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

२ पत्रुस 3:1

ङिङज्‍येते आज्‍यो न्‍वावे, दित्ताङ ङे ख्‍योकोनला टिबाते चिट्ठी ङि छाङगो। गोमे चिट्ठी च्‍योकराङ ङे दि चिट्ठीङ खेराङगी छ्या स्‍येबाते बाततेबा टोक मेज्‍येता खाला देत सिराला टिबाते ईन।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।