२ पत्रुस 3:13 - जिरेल

¹³ दिबा जेसुकै दोक खाईन नाश गाल्‍सीनोङ ङुरूङचेन परमेश्‍वरगी जोइओ साबा ओताते साम्‍बाते साताङ नाम था होत्ता थोङा ङेत्‍च्‍या ओङसुङ सिन गुलाराङ देत्‍क्‍यो। दोक खाईन थेकी साम्‍बाते सा नाम जोनामेई थेरूचेन थेकी खि साबा साबाच्‍योक खित्‍कान्‍तेबा देत्‍क्‍यो।

२ पत्रुस 3:13 Iomraidhean Croise

रोमी 8:21

चुक सासीन थे छोमु परमेश्‍वरगी थे खोरोङ फुज्‍युङ फुमुला पीरताङ दुक्‍पा थेमे स्‍यिच्‍येते कालदुकी टाल्‍ला थे खोरोङगी ज्‍वा चाला च्‍योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्‍ग्‍यो। थेमे थेरू स्‍यिच्‍येते, नाश डोच्‍येते सिराते छ्याःङ मेङगो।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।

छ्या स्‍ये च्‍युताते बात 21:1

थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।

छ्या स्‍ये च्‍युताते बात 21:27

परमेश्‍वरला मन परे मिक्‍किच्‍येते सिराते थे सारगी नाङ छ्याःङ मेङगो। खिता मेङच्‍येते ङोचा लाङच्‍येते काम खित्‍कान्‍ते थेमे ढाँर खित्‍कान्‍तेबाचेन बान्‍दा थे सारगी नाङ स्‍यूक्‍पा मेङेदो। खालि नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्‍यूक्‍पा ङेत्‍क्‍यो। थे मिन टिबाते किताबचेन लुई रीउते ईन।