२ पत्रुस 3:10 - जिरेल

¹⁰ चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

२ पत्रुस 3:10 Iomraidhean Croise

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

मर्कूस 13:31

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

लूका 12:39

थेमे दि बादोङ ङेन। सुइँदा मिकी थरिङ चोर ओङगो सिन छ्या स्‍येसीन थे छोमु च्‍याङबो खाला जागोराङ देत्‍क्‍यो। थेमे थेते छ्याःङ क्‍वापराङ मुथुबो।

रोमी 8:20

च्‍यिला सासीन सा नाम ईन्‍स्‍यीत, मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबाते जति गाङेला थे खोरोङगीराङ सजाय बिन्‍गीन काम लै मिक्‍किच्‍या जोबा ओत। ईन्‍सीनोङ थेकी था ङीमा लेनज्‍यीक थे खोरोङगी जोबाते जति गाङेला दि सजायदुकी डेल्‍ग्‍यो साबा ओत।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

१ कोरिन्‍थी 5:5

चुक सासीन थेकी पाप खिता तोङस्‍यीत सिन थेला शैतान लाःक्‍तु सोम्‍पे खि। थोक खानामेई थे स्‍यिसीनोङ प्रभु येशू ग्‍युरला ओङे छोमु थेकी थेला पापकी सजाय मेतेरो।

१ थिस्‍सलोनिकी 5:2

चोर दि छोमुराङ ओङगो सिरा माथुपा च्‍योकराङ प्रभु येशू ग्‍युरला ओङच्‍येते दिनोङ दिराङ ईन सिन सुङगीङ सिरा मुथुबो सिन ख्‍योकोनला लेमु खाला छ्याराङ ओत।

१ थिस्‍सलोनिकी 5:4

आज्‍यो न्‍वावे, ख्‍योकोनचेन तिरी ओङच्‍येते बातला छ्याःङ विचार मिक्‍किता खाला मुन्‍दाकला देत्‍कान्‍ते मि मेन। थोगी सुइँदे खाम्‍बादु चोर ओङजीन थे खाम्‍बे मिओनला अचम्‍ब लाबाच्‍योक खाला प्रभु येशू ग्‍युरला ओङे छोमु ख्‍योकोनलाचेन छ्याःङ अचम्‍ब मालाङो।

२ पत्रुस 3:11

था ङीमाई दोक खाला जेसुकै खतम डोच्‍येते ईन्‍देकी ख्‍योकोनगी चुक खिता फाप्‍कीते छ्या ओत? ख्‍योकोनगी काम बात जे खासीनोङ लेमुते थेमे परमेश्‍वरला मन परे खित्‍च्‍येतेकामा खिता फाप्‍क्‍यो।

२ पत्रुस 3:12

परमेश्‍वरगी मि गाङे न्‍याय खित्‍च्‍येते थे दिन होत्ता ओङस्‍यीत सिन ख्‍योकोन होदोक खाला लेमु कामताङ बात खिन देत। थे छोमु नामचेन मेकी छिक्‍ला सोला डुइओ। थेमे दागार, ङीमाताङ कार्मातेबाङ मे रापकी खित्‍सादु बिले खाला खतम डुइओ।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 21:1

थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।

छ्या स्‍ये च्‍युताते बात 6:14

थेमे नामचेन स्‍यिउ ठीला च्‍योकराङ खाईन सरे खिन खिन गाल्‍सुङ। थोकराङ खाईन बोमतेबा थेमे समुन्‍द्रे किल्‍दु ओताते लुङबातेबाङ दाक्‍पोन दाक्‍पोन ठाउँलेकी तोक तोक तोरगीन गाल्‍सुङ।