२ पत्रुस 2:9 - जिरेल

⁹ प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

२ पत्रुस 2:9 Iomraidhean Croise

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

२ तिमोथी 3:12

ईन्‍दालाचेन येशू ख्रीष्‍टताङ जीउज्‍यीकराङ ओङगीन परमेश्‍वरला मन परे खित्‍च्‍येते काम खिता छोल्‍कान्‍ते मि गाङेला ज्‍येनगी दाक खेदापानी खिओ।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।