२ पत्रुस 2:6 - जिरेल

⁶ थेमे परमेश्‍वरगी मे ताङगीन सदोमताङ गमोरा सारला थाला जोबा ओतान। थोक खाईन थेकी थे खोरोङ बात मेङेन्‍कान्‍तेबे गति चुक ओङगीते सिन तेन्‍गीन बिन्‍दा ओतान।

२ पत्रुस 2:6 Iomraidhean Croise

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 11:23

थेमे कफर्नहुम मिवे, ङे ख्‍योकोन नाङ अचम्‍बते काम काल्‍बेई खासुङ सिन ख्‍योकोनचेन स्‍वर्गने ड्वा ङेत्‍क्‍यो सिन छ्ये खाईन देत्‍ला दुक। तर न्‍याय खिते छोमु ख्‍योकोनलानी परमेश्‍वरगी नरककुण्‍डमाका लुक्‍यो। ङे ख्‍योकोन नाङ खाईन तेन्‍दाते अचम्‍बते कामतेबा सदोम सारदु खाईन तेन्‍दा ईन्‍सीन थेरू मि परमेश्‍वर छ्य्‌वापा लै खाला परमेश्‍वरगी थे सारला थोक खाला थोरूमसाक नाशराङ तोङच्‍या मेतान।

रोमी 9:29

लोक्‍ला यशैयेकीराङ गोमाका “गाङे भन्‍दा छ्येज्‍यीक शक्ति ओताते प्रभु परमेश्‍वरगी ङुरूङ सन्‍तान नाङ कोई कोईला थार माच्‍युता ईन्‍सीन थाङबो सदोमताङ गमोरा सारगी मिओन च्‍योकराङ खाला सजाय ङेत्‍ला ङुरूङोङ खराप खुरूप स्‍यिच्‍या ओतान,” सिनोङ साबा ओतान।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

यहूदा 1:15

मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।