२ पत्रुस 2:3 - जिरेल

³ पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

२ पत्रुस 2:3 Iomraidhean Croise

मत्ती 23:14

था ख्‍योकोनला आउदी मेलेबा ओङगो। परमेश्‍वरला आउदी खाला माने खित्‍कान्‍ते ईन सिन तेन्‍दाला ख्‍योकोन काल्‍बासाक प्रार्थना खिन देत्‍कीदुक। लेमु खाईन तासुङ सासीन नाङ नाङलाचेन ख्‍योकोनगी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी ख्‍योकोनगी आउदी छ्येज्‍यीक सजाय ङेत्‍क्‍यो।

लूका 18:8

दि बात ङेन। परमेश्‍वरगीनी थेबाला दुक्‍पा तेरकान्‍तेबे लाःक्‍तुकी होत्ताराङ टाल्‍ला तेरग्‍यो। थोक ईन्‍सीनोङ परमेश्‍वर ओत्‍सादुई वाबाते मि ङा पृथ्‍वीमा ग्‍युरला ओङ ओङसाकराङ परमेश्‍वरगी प्रार्थना ङेन्‍ला दुक्‍पादुकी डेल्‍ग्‍यो सिन थेला विश्‍वास खिनराङ देत्‍कान्‍तेबा मेरा थोईजो ओङोङा? दि बात ख्‍योकोनगी सेमगी नाङ गुने खि,” सिन सिदुक।

लूका 20:20

थेमे थे बेलामेईराङ धर्मे गुरूओनताङ छ्ये छ्ये पूजारीकी येशूकी खइँदा गल्‍ती बात खिता सिन मौका तेइनराङ देत्‍सुङ। थेकी थोक्‍ते खइँदा बात सासीन रोमी गेल्‍बो हाकिम ओत्‍सादु खेरला सजाय तेर ज्‍युत्‍च्‍ये सेम ओतान। थोगी थेबेकी कोई कोई मिला येशू ओत्‍सादु ताङसुङ। गाल्‍गीन थेबेकीचेन खोपरोङ आउदी खाला परमेश्‍वर नियम ङेन्‍कान्‍ते मि ईन्‍दाच्‍योक खाईन बात खिताला स्‍यूसुङ।

लूका 22:47

दि बात खिन खिनलाराङ थेरू हूलज्‍यीक मि ख्‍योल्‍सुङ। थे खोरोङ चेला च्‍युन्‍ङी नाङ यहूदा सिराते थेबे गोमा गोमा ओतान। थेकीराङ थे मिओनला थेरू टीकीन खुलाबा ओतान। थेचेन थेबे गोमा गोमा ख्‍याम्‍बा ओतान। येशूला पुक खिताप सिन थे थे खादु गाल्‍सुङ।

यूहन्‍ना 2:16

गन्‍दीमा छोङकान्‍तेबालाङ थेकी “दिबा दुरूकी छिटो थेन्‍ला खेर। ङे आबाला माने खित्‍च्‍येते खाम्‍बाला बेपार खित्‍च्‍ये ठाउँ ज्‍वा मेङगो,” सिन सासुङ।

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ थिस्‍सलोनिकी 5:3

मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

१ तिमोथी 3:3

थे छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक, गाङेताङ खा छ्येत लेमु खित्‍कानज्‍यीक, थोम्‍मु जीङगा मिक्‍किकानज्‍यीक थेमे पैसे लोभ मिक्‍किकानज्‍यीक ओङा फाप्‍क्‍यो।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

१ पत्रुस 2:8

परमेश्‍वर बातलाराङ “थे दोला मि काल्‍बेई नार्दोक देइओ। ठाःक छेतज्‍यीक ओताते थे दोला मि काल्‍बेई ठोके खाला रिल्‍ग्‍यो,” सिनोङ टिला दुक। परमेश्‍वर बातला नामज्‍योक मेसेत्‍कान्‍ते मिओनराङ थोक खाला रिल्‍ग्‍यो। थोक्‍ते मिओनला होदोक ओङ ज्‍युत्‍क्‍यो सिन परमेश्‍वरगी गोमाका साबा ओतान।

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।

२ पत्रुस 1:16

ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।

२ पत्रुस 2:1

गोमा इस्राएलीओन नाङ परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन ओता च्‍योकराङ ख्‍योकोन नाङचेन परमेश्‍वर बात लोप्‍कान्‍ते मि ईन सिन मेन्‍दे बात लोप्‍कान्‍ते मिओन ओङगो। थेबेकी ख्‍योकोनला ङ्ये ज्‍युताला परमेश्‍वर बातताङ डिकराङ मिडिक्‍च्‍येते बात लोप्‍क्‍यो। थेबेकीनी खोपरोङ पापकी मोल च्‍याल्‍ला खोपरोङला पापदुकी डेल्‍कान्‍ते छ्येज्‍यीक शक्ति ओताते प्रभु येशूला मानेराङ मिक्‍किओ। दोक दोक खानामेई थेबे गोःनामा परमेश्‍वर सजाय फाप्‍क्‍यो।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

यहूदा 1:15

मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।