२ पत्रुस 2:21 - जिरेल

²¹ परमेश्‍वरगी खि साबाते खोपरोङला लाप्‍कीन बिन्‍दाते बात ङेन्‍दाला स्‍यूनामेकी थे ङेन्‍दा तोङा भन्‍दानी थेबेकी बरू परमेश्‍वरगी मिओनगी चुक खिता फाप्‍कीते सिन साबाते होदि बात नोमुङ छ्या मास्‍येबा ईन्‍सीन लेमु ओङच्‍या ओतान।

२ पत्रुस 2:21 Iomraidhean Croise

मत्ती 21:32

च्‍यिला सासीन यूहन्‍नेकीचेन परमेश्‍वरगी खि साबाच्‍योक खित्‍च्‍या सिराते च्‍यि ईन्‍दे सिन ख्‍योकोनला लापा ओतान। ईन्‍सीनोङ ख्‍योकोनगी थे बातला नामज्‍योकराङ मासेत्‍सुङ। तर कर लिन्‍कान्‍ते मिओन थेमे रन्‍डीओनगीचेन थे बात ङेन्‍सुङ। थेबेकी थोक खाबाते छ्या स्‍येनामेकीङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते माक्‍यासुङ, यूहन्‍ने बात मेङेन्‍दाराङ खाईन देत्‍सुङ।

लूका 12:47

मालिकतेकी च्‍यि खि सिन साबा ओते सिरच्‍येते बात छ्या स्‍येला स्‍येलाङ खि साबा ओताच्‍योक मिक्‍किकान्‍ते मिलाचेन मालिकतेकी आउदी खाला दुङगो।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

यूहन्‍ना 9:41

थेमे थेकी थेबाला “ख्‍योकोन अन्‍ध ईन्‍दा ईन्‍सीन ङा ख्‍योकोनगी पाप खाबाते ईन सिन सिरच्‍या मेतान। तर ख्‍योकोनचेन लेमु खाला थोङगीदुक खिदुक। दोक साबेकीराङ ख्‍योकोन पापदुकी ठाला मुथुबो,” सिन सिदुक।

रोमी 7:12

थोगी परमेश्‍वर नियमचेन परमेश्‍वरगीराङ बिन्‍दाते ईन्‍देकी मेलेबा मेन। थेरू खि साबाते बात गाङे थेकीराङ खि साबाते ईन। थेरू खि साबातेताङ माकेत साबाते गाङे लेमु ईन। मेलेबाते सिरातेचेन थेरू छ्याःङ खि साबा मेत।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

१ थिस्‍सलोनिकी 4:2

प्रभु येशूकी ङ्योकोनला बिन्‍दाते अधिकार चले खाईन ङ्योकोनगी ख्‍योकोनला चुक चुक खिता फाप्‍कीते सिन लापा ओताने सिन ख्‍योकोनला छ्याराङ ओत।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

हिब्रू 10:26

येशू ख्रीष्‍टकी थे खोरोङ ज्‍यानराङ बिन्‍गीन दाक्‍पोनला पापकी सजाय छ्य्‌वापेई टाला ओत सिरच्‍येते सत्‍यते बात छ्या स्‍येनामेकीङ पाप खिता छ्याःङ मेन सिराच्‍योक खाला ङुरूङगी पाप खिनराङ देत्‍सीन थोक खाईन खाबाते पाप माफ ओङाला था भोग तेरच्‍येते छ्याःङ मेत, ख्रीष्‍टकी खित्‍च्‍येतेङ छ्याःङ मेत।

याकूब 4:17

सुइँदेकी दाक्‍पोनगी चुक खिता फाप्‍कीते, च्‍यि खिता फाप्‍कीते सिन छ्या स्‍येकीन स्‍येकीनोङ थोक माक्‍यासीन थेकी पाप खाबाते ईन।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।