२ पत्रुस 2:20 - जिरेल

²⁰ ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।

२ पत्रुस 2:20 Iomraidhean Croise

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

२ तिमोथी 2:4

खोपरोङ छ्येते मिकी साबा साबा ङेन्‍दा छोल्‍कान्‍ते मिल्‍टेरी सुङ लडाइँ खिन खिन ताङला खोपरोङ काम खिताला मोन्‍डोओ।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 1:2

आबा परमेश्‍वरताङ प्रभु येशूकी ख्‍योकोनला झन झन दया खाला लेमु खिनराङ देत्‍स्‍यीत। दोक ओङनामेई परमेश्‍वरताङ ङुरूङ प्रभु येशू सु ईन्‍दे, चुक्‍ते ईन्‍दे सिन झन लेमु खाला छ्या स्‍येक्‍यो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।

२ पत्रुस 1:8

होदोक दोककामा खिन गाल्‍सीन ङुरूङ प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येबाते बात ख्‍योकोनगी कामगीराङ खाला तेन्‍दा थुप्‍क्‍यो।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।