२ पत्रुस 2:19 - जिरेल

¹⁹ थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।

२ पत्रुस 2:19 Iomraidhean Croise

यूहन्‍ना 8:34

थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

शक्ति काम 19:16

थे मिकी थेबालाराङ खाप खाप्‍कीन खोलाकतेबा राल्‍गीन भक्‍कुचूर दुसुङ। थोक ओङगीन थेबा गाङेराङ ठाकच्‍युर माकच्‍युर गाल्‍गीन पेर्दुङबाराङ थे खाम्‍बादुकी छ्य्‌वासुङ।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।

२ पत्रुस 2:20

ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।