२ पत्रुस 2:15 - जिरेल

¹⁵ थेबा लेमु काम खिता ताङगीन खोपरोङ लामला ख्‍याम्‍ला दुक। थेबाचेन थाङबो बओर फुज्‍युङ बालामगी खाबा च्‍योकराङ खिन दुक। पैसे लोभ खाईन बालामचेन मेलेबा काम खिताला अघि सरे खाबा ओतान।

२ पत्रुस 2:15 Iomraidhean Croise

मत्ती 26:9

दि च्‍वाबा ईन्‍सीन आउदी काल्‍बेई पैसा ङेत्‍च्‍या ओतान। थेमे थे पैसा दुक्‍पा ङेताते मिओनला गोकीन बिन्‍दा ईन्‍सीन लेमु ओङच्‍या ओतान,” सिन सासुङ।

शक्ति काम 1:18

येशूला पक्रे खित ज्‍युताला लाबाते पैसेकी थेकी स्‍यीङज्‍यीक ङ्योबा ओतान। थेमे थेचेन थे स्‍यीङदुराङ गोः थुल्‍लाला खाईन रिल्‍गीन सुबा फोङगीन ग्‍युमाक नाङज्‍याक गाङे थोरगीन स्‍या ओतान।

शक्ति काम 13:10

“खो शैतानताङ डिक्‍कान्‍ते ईन। खो जे लेमुते कामताङ बादोङ मेलेबा जोला ढाँरकामा खिदुक। खो मिला छक्‍के खिताकामा छोल्‍गीदुक। खुई सेम पापकीकामा खाङला दुक। प्रभु परमेश्‍वरगी मिओनला लेमु खिता चालाते काम खो नामसाक ङ्ये ज्‍युता छोल्‍गीते?

२ पत्रुस 2:13

थेबेकी ज्‍येनला जस्‍तो मेलेबा खाला दुक उस्‍तोराङ खाला परमेश्‍वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्‍योकोनताङ ङ्योम्‍बु रूला साजीन थुङजीन थेबेकी ख्‍योकोनलाङ खोपरोङ मेलेबा बानी बिवाराराङ लाप्‍ला खोपरोङ च्‍योकराङ जोइओ। ख्‍योकोनलाङ खोपरोङगी च्‍योकराङ खिता लोप्‍जीन थेबाला गा लाङगो।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

छ्या स्‍ये च्‍युताते बात 2:14

थोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक बात ङि ओत। च्‍यि सासीन ख्‍योकोन नाङ लाला लाला बालामगी लापाते बात ङेन्‍कान दुक। बालामगीचेन बालाक गेल्‍बोला ल्‍हाला पूजा खाबाते सोसीन ओङगो, रन्‍डीबाजी थेमे होदि च्‍योक्‍ते खिता मेङच्‍येते काम खासीनोङ ओङगो सिन लाप्‍कीन बिन्‍गीन इस्राएलीओनला थोक खित च्‍युता ओतान।