२ पत्रुस 2:14 - जिरेल

¹⁴ थेबाचेन थोङाते जति फेम्‍मे मित्ताङ ङ्यालाकामा छोल्‍ग्‍यो। थोक्‍ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्‌वापा लै खित ज्‍युताला थेबा च्‍योक सिपालु ज्‍येन सुङ मेङगो। जहिलेङ सम्‍पत्ति लोभकामा खिन खापेकी चुक खाला सम्‍पत्ति ज्‍वा थुप्‍कीते सिन थेबेकी लेमु खाईन छ्या स्‍येबा ओङगो। थेबाला परमेश्‍वर सराप फाप्‍क्‍यो।

२ पत्रुस 2:14 Iomraidhean Croise

मत्ती 12:34

छ्यि ख्‍योकोन ङोचा क्‍ये मेतातेबा, सेमला लेमु मेत्‍कीन मेत्‍कीन ख्‍योकोनगी चुक खाला लेमुते बात खिता थुप्‍कीका? मिकीनी दाक्‍पोन सेमदु जे दुक खालाङ थेराङ देन्‍ग्‍यो।

मत्ती 23:14

था ख्‍योकोनला आउदी मेलेबा ओङगो। परमेश्‍वरला आउदी खाला माने खित्‍कान्‍ते ईन सिन तेन्‍दाला ख्‍योकोन काल्‍बासाक प्रार्थना खिन देत्‍कीदुक। लेमु खाईन तासुङ सासीन नाङ नाङलाचेन ख्‍योकोनगी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी ख्‍योकोनगी आउदी छ्येज्‍यीक सजाय ङेत्‍क्‍यो।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 5:28

ङाचेन ख्‍योकोनला च्‍यि सिते सासीन सुइँदेकी सुइँदा फेम्‍मे मिला खइँदा मेलेबा विचारगी तासुङ सासीनकामाङ थेकी थे फेम्‍मे मित्ताङ रन्‍डीबाजी खाबा छेतराङ ईन सिन सिओ।

मर्कूस 13:22

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

यूहन्‍ना 5:44

ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

कलस्‍सी 2:18

थेमे परमेश्‍वरला माने खिताला बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खिता फाप्‍क्‍यो, परमेश्‍वर दूतओनलाङ माने खिता फाप्‍क्‍यो सिन सिरकान्‍ते मि सुङगीङ बात माङेन। थोक्‍ते मि बात ङेन्‍सीन ख्‍योकोनगी परमेश्‍वरगी तेरच्‍येते इनाम मेङेदो। होथोक सिरकान्‍ते मिओनगीचेन परमेश्‍वरगी ङ्योकोनला मिलाम खित ज्‍युताच्‍योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्‍ते बात खिन छ्ये खिन ख्‍याम्‍ग्‍यो।

याकूब 1:8

थोक्‍ते मिचेन सेम ङि ओताते मि ईन्‍देकी थेकी जे खित्‍जीनोङ नोमुङ ङा दिराङ खितामीन सिन सिरा मुथुबो।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।

१ यूहन्‍ना 2:16

दि सा लुङबे मिओनगीनी जसकीङ दाक्‍पोनला जे जे खिता सेम लाङगीदुक थेराङ खित्‍च्‍येते, मिगी थोङाते जति जेसुकैते लोभ खित्‍च्‍येते थेमे ङा छेत सुङ मेन सिराच्‍योक खित्‍च्‍येतेकामा खिओ। थोक खि सिन आबा परमेश्‍वरगी साबाते ईनराङ मेन। दोक खित्‍च्‍येतेनी दि सा लुङबे मि खोपरोङ सेमगी नाङदुई ओङच्‍येते ईन।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।