२ पत्रुस 2:13 - जिरेल

¹³ थेबेकी ज्‍येनला जस्‍तो मेलेबा खाला दुक उस्‍तोराङ खाला परमेश्‍वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्‍योकोनताङ ङ्योम्‍बु रूला साजीन थुङजीन थेबेकी ख्‍योकोनलाङ खोपरोङ मेलेबा बानी बिवाराराङ लाप्‍ला खोपरोङ च्‍योकराङ जोइओ। ख्‍योकोनलाङ खोपरोङगी च्‍योकराङ खिता लोप्‍जीन थेबाला गा लाङगो।

२ पत्रुस 2:13 Iomraidhean Croise

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

२ तिमोथी 4:14

थेमे बातज्‍यीक च्‍यि सासीन थे अलेक्‍जेन्‍डर सिराते गारेकी ङाला आउदी मेलेबा खासुङ। थेकी थोक मेलेबा खाबाते काम ताला प्रभु येशू ख्रीष्‍टकी थेला सजाय तेरग्‍यो।

याकूब 5:5

ख्‍योकोन स्‍यीम्‍बु स्‍यीम्‍बु सेइन थुङगीन किम्‍मु खाईन देत्‍ला दुक। दोक खाईन ख्‍योकोनगी था परमेश्‍वरगी मि गाङे न्‍याय खित्‍च्‍येते दिनगी लाईदु खेराङला पोस्‍ये खाईन ज्‍याक्‍ला दुक।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।

२ पत्रुस 2:15

थेबा लेमु काम खिता ताङगीन खोपरोङ लामला ख्‍याम्‍ला दुक। थेबाचेन थाङबो बओर फुज्‍युङ बालामगी खाबा च्‍योकराङ खिन दुक। पैसे लोभ खाईन बालामचेन मेलेबा काम खिताला अघि सरे खाबा ओतान।

छ्या स्‍ये च्‍युताते बात 18:6

बेबिलोनगी जस्‍तो मेलेबा खाला दुक थे सजाय थेला तेरा फाप्‍क्‍यो। थेकी ङेता फाप्‍च्‍येते सजाय भन्‍दाङ छ्येज्‍यीक सजाय थेला तेरा फाप्‍क्‍यो। थेकी ज्‍येनला थुङ च्‍युताते छ्याङ भन्‍दाङ कन्‍देते छ्याङ थेला थुङ छ्युत।