२ पत्रुस 2:10 - जिरेल

¹⁰ खास खालाचेन खोपरोङ सेम मेलेबा ओत्‍कीन दाक्‍पोन खुशी खिन खिता मेङच्‍या आउदी मेलेबा मेलेबा काम खित्‍कान्‍ते थेमे परमेश्‍वरताङ ज्‍येन सुङगीङ अधीनला मेदेत्‍कान्‍तेबाला चुक खाला सजाय तेरा फाप्‍कीते सिन थेला लेमु खाला छ्या ओत। परमेश्‍वर बातताङ मिडिक्‍च्‍येते बात लोप्‍कान्‍ते होथे मिओनगी सुङताङ ज्‍यीबा ख्‍यारा मिक्‍किता खाला ङा ङाराङ ईन सिराच्‍योक खिओ। थेबेकीनी पाप खित्‍कान्‍ते परमेश्‍वर दूतओनलाङ छ्याःङ ज्‍यीबा मिक्‍किता खाला विरोध खिओ।

२ पत्रुस 2:10 Iomraidhean Croise

लूका 11:25

वाला ताजीन थेकी थे गोमा देताते ठाउँ लेमु गाला ओता थोङगो।

लूका 19:14

तर थे लुङबे मिओनगी थे मिला मन परे खिन मेतानलो। थोगी थे मि खोपरोङ गेल्‍बो मेङस्‍यीत सिन थेबेकी ‘ङ्योकोन खोल्‍ला ङेराङ गेल्‍बो सिन मिसिरो सि,’ सिराला थे तिरी तिरी मि ताङदुक्‍लो।

शक्ति काम 23:5

थेमे पावलगी “आज्‍यो न्‍वावे, दि गाङे भन्‍दा छ्येते पूजारी ईन सिन ङाला छ्या मेतान। परमेश्‍वर बातला ‘ख्‍योकोनगी दाक्‍पोन छ्येते मि विरोध खिता मेङगो,’ सिन टिबाते बात ङालाङ छ्या ओत,” सिन सिदुक।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

१ कोरिन्‍थी 6:9

ज्‍येनला अन्‍याय खित्‍कानताङ मेलेबा काम खित्‍कान्‍ते मि सुङ परमेश्‍वर राज्‍यने स्‍यूक्‍पा मेङेदो सिन च्‍यि ख्‍योकोनला छ्या मेत? ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। चुक सासीन रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, ल्‍हा लु माने खित्‍कान्‍तेबा, मि ख्‍यावा फेम्‍मेताङ ङ्याल्‍कान्‍तेबा, ख्‍योओ मिकी फेम्‍मे मि च्‍योक खाला ख्‍योओ मि ज्‍याक्‍ला खिता मेङच्‍येते काम खित्‍कान्‍तेबा,

२ कोरिन्‍थी 10:3

ईन्‍दाका ङ्योकोनोङ दि सा लुङबादुराङ देता ओत। ईन्‍सीनोङ ङेराङगी दुक्‍पा खाला खाला काम खित्‍जीन दि सा लुङबे मिओनगी खित्‍च्‍येते च्‍योक्‍ते कामताङ बातचेन ङ्योकोन छ्याःङ मिक्‍किओ।

एफिसी 4:19

थेबे सेमचेन स्‍यिङ दो च्‍योकराङ स्‍येन्‍दे गाला ओतेकी खिता मेङच्‍येते काम खित्‍जीनोङ थेबाला छ्याःङ च्‍योक मालाङो। दोक गालेकी थेबेकी खिता मेङच्‍येतेताङ ङोचा लाङच्‍येते कामकामा खिन देत्‍क्‍यो। होथोक्‍ते काम माक्‍याबाला ओङराङ मेङगो सिराच्‍योक खाला थेबेकी झन झन होथोक्‍ते कामकामा खिता छोल्‍ग्‍यो।

एफिसी 5:5

ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

१ थिस्‍सलोनिकी 4:7

परमेश्‍वरगी होथोक्‍ते काम खित्‍स्‍यीत सिन मेन, ङुरूङ सेम खुदुक गाल्‍ला थोक्‍ते मेलेबाते काम सिराते छ्याःङ मिक्‍किस्‍यीत सिन ङुरूङला थे खोरोङ दोन्‍दु स्‍योक सिन काताङाते ईन।

२ तिमोथी 3:2

थेजीन मिओनगी खालि दाक्‍पोन विचारकामा खिओ, गाङेराङ पैसे लोभलाकामा स्‍यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्‍दे बातला ज्‍येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्‍कानला लेमु खासुङ सिराच्‍योक मिक्‍किओ थेमे परमेश्‍वरला मन परे मिक्‍किच्‍येते कामकामा खिओ।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

यहूदा 1:10

ईन्‍सीनोङ ख्‍योकोन नाङ स्‍यूबाते होथे मिओनगीचेन खोपरोङगी छ्या मास्‍येबाते बात दोगोङ च्‍यि बात ईन्‍ताका सिन ठट्टाला पुरगीदुक। थेमे सो साकान्‍ते पशुकी च्‍योकराङ खाला कोई बातकीतेचेन खोपरोङगी जस्‍तो अर्थ खोकीदुक थोकराङ खाला ओङच्‍या मेङच्‍या काम खिदुक। थोक खाबेकी थेबे गोःनामा परमेश्‍वर सजाय फाप्‍क्‍यो।

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।