२ पत्रुस 1:6 - जिरेल

⁶ दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।

२ पत्रुस 1:6 Iomraidhean Croise

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 8:25

थोगी परमेश्‍वरगी ङुरूङ लाईदु खिओ साबाते थेकी ङीमाई गाङे साबा च्‍योकराङ खिओ सिन ङुरूङ सेम मेसेता खाईन गुकीनराङ देता ओत।

१ कोरिन्‍थी 9:25

खेलकूदला भाग लिन्‍कान्‍ते मि जसकीङ ग्‍याल्‍ला पुरूस्‍कार ङेता थुप्‍स्‍यीत सिन खोपरोङ जीउला ङार्माताङ थाङ मेछ्येत्‍च्‍या ज्‍वाप्‍ला ङीमे ठाङमा दुक्‍पा खाला तालिम खित्‍च्‍येते खिओ। थेबेकी ङेत्‍च्‍येते पुरूस्‍कारचेन ङीमाई छ्याःङ काम लै मिक्‍किच्‍या डुइओ। तर ङुरूङगी ङेत्‍च्‍येते इनामचेन नोमुङ होथोक खाला काम लै मिक्‍किच्‍या मोन्‍डोओ।

२ कोरिन्‍थी 6:4

बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

गलाती 5:23

थे गाङेताङ खा छ्येत लेमु खाला देत्‍क्‍यो थेमे थेकी दाक्‍पोन सेम काबूला ज्‍य्‌वाबा थुप्‍क्‍यो। होदोक दोक खिता मेङगो सिनचेन परमेश्‍वर नियमला खापाङ साबा मेत।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ थिस्‍सलोनिकी 3:5

थेमे परमेश्‍वरगी खेराङला थोई ङिङज्‍ये खित्‍च्‍या ईन्‍दाका सिन ख्‍योकोनगी झन लेमु खाला छ्या स्‍येस्‍यीत थेमे जतिराङ दुक्‍पा ओङसीनोङ ख्रीष्‍टकी च्‍योकराङ सेम मेसेता खाला दुक्‍पा खपे खिन देता थुप्‍स्‍यीत सिन ङ्योकोन प्रभु येशू ख्रीष्‍टताङ प्रार्थना खिओ।

१ तिमोथी 2:10

बरू परमेश्‍वरला माने खित्‍कान्‍ते फेम्‍मे मिओनगी खिता फापाच्‍योक खाला थेबेकी लेमु काम खिता फाप्‍क्‍यो।

१ तिमोथी 2:2

थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

१ तिमोथी 6:6

ईन्‍दानी परमेश्‍वरला माने खानामेई लेमु मेङच्‍येते मेन। थेला माने खित्‍जीन चुक खाला सम्‍पत्ति ज्‍वा थुबोङा सिराच्‍योक मिक्‍किता खाला आउदी गा खिन देता थुप्‍क्‍यो।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 1:8

बरू थोक्‍ते मिचेन डोम्‍बोताङ फार छुर ख्‍याम्‍कान मिओनला लेमु खित्‍कानज्‍यीक, लेमु कामकामा खिता सेम खित्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक, खिता मेङच्‍येते काम सिराते छ्याःङ मिक्‍किकानज्‍यीक, परमेश्‍वरला मन परे खित्‍च्‍येते कामकामा खित्‍कानज्‍यीक थेमे दाक्‍पोन सेमला लाबा लाबा मिक्‍किकानज्‍यीक ओङा फाप्‍क्‍यो।

तीतस 2:2

चुक सासीन गान्‍दातेबाला थेबा च्‍याङबो खाला देता फाप्‍क्‍यो सिन सि। थेबे बानी लेमु ओङा फाप्‍क्‍यो थेमे खोपरोङ सेम काबूला ज्‍य्‌वाबा फाप्‍क्‍यो सिन सि। दोस्‍यिककामा मेन, थेबेकी खोपरोङगी येशूला विश्‍वास खिन ङेन्‍दा ओताते बात मोतोङा खाला ङेन्‍गीन देता फाप्‍क्‍यो, ज्‍येनला ङिङज्‍ये खिन देता फाप्‍क्‍यो थेमे दुक्‍पा ओङसीनोङ खपे खिन देता फाप्‍क्‍यो सिन सि।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 3:11

था ङीमाई दोक खाला जेसुकै खतम डोच्‍येते ईन्‍देकी ख्‍योकोनगी चुक खिता फाप्‍कीते छ्या ओत? ख्‍योकोनगी काम बात जे खासीनोङ लेमुते थेमे परमेश्‍वरला मन परे खित्‍च्‍येतेकामा खिता फाप्‍क्‍यो।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।