२ पत्रुस 1:20 - जिरेल

²⁰ ज्‍येनतोक भन्‍दाङ दि बातचेन ख्‍योकोनगी लेमु खाला छ्या स्‍येबा फाप्‍क्‍यो। च्‍यि सासीन परमेश्‍वर बातला टिबा ओताते परमेश्‍वरगी सिर च्‍युताते बाततेबा दोक्‍पोईओङ परमेश्‍वर बात खित्‍कान्‍ते मिओन खोपरोङगी जोकीन साबाते बात मेन।

२ पत्रुस 1:20 Iomraidhean Croise

रोमी 12:6

परमेश्‍वरगी दया खाईन ङुरूङला दाक्‍पोन दाक्‍पोनला खुदुक खुदुक काम खित्‍च्‍येते सीपताङ शक्ति बिन्‍दा ओत। दाक्‍पोनताङ च्‍यि खित्‍च्‍येते सीप कि शक्ति ओते ङुरूङगी थे काम लेमु खाला खिता फाप्‍क्‍यो। च्‍यि सासीन परमेश्‍वरगी ङुरूङ सुइँदाला थे खोरोङगी सिर च्‍युताते बात खित्‍च्‍येते शक्ति बिन्‍ला दुक सासीन थे मिकी थे कामराङ खिता फाप्‍क्‍यो। तर थेकी थे खोरोङगी परमेश्‍वरला खजो विश्‍वास खिका थे ताला परमेश्‍वरगी सिर च्‍युता च्‍युता बातकामा सिरा फाप्‍क्‍यो, ज्‍येन बात खिता मेङगो।

रोमी 13:11

थेमे ज्‍येनोङ बात च्‍यि सासीन था गोमा च्‍योकराङ मेन सिन ख्‍योकोनगी विचार खि। काम खिता फाप्‍च्‍या ओत सिन ङिक गाल्‍सादुकी ङिक छेत्‍ला लाङाच्‍योक खाला था ख्‍योकोनगी झन लेमु खाला काम खि। च्‍यिला सासीन ङुरूङगी गोमा येशू ख्रीष्‍टला विश्‍वास खिताला स्‍यूक्‍पे बेलाला परमेश्‍वरगी ङुरूङला पूरो खाला पापदुकी टाल्‍ला स्‍वर्गने देताला खेरच्‍येते समय आदोराङ बाँकी ओतान। थेकी थोक खित्‍च्‍येते समय था काल्‍बा बाँकी मेत।

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

२ तिमोथी 3:16

परमेश्‍वर बातला टिबाते बात मिओनगी खोपरोङ बुद्धिकी टिबाते मेन्‍देकी गाङे परमेश्‍वरगी मिओनला थे खोरोङ आत्‍मे छ्य्‌वापेकी टिक च्‍युताते ईन। थेमे परमेश्‍वर बात चुकला काम लै खिते सासीन सत्‍यते बात च्‍यि ईन्‍दे सिन लोपाला, दाक्‍पोनगी चुक खाबाते गल्‍ती खाबाते ईन्‍दाका सिन छ्या स्‍येला च्‍याला चुक खिता फाप्‍च्‍या ईन्‍दाका सिन लोपाला थेमे परमेश्‍वरगी खि साबा साबा च्‍योकराङ खित्‍च्‍येते लोपाला काम लै खिओ।

याकूब 1:3

थोक्‍ते दुक्‍पा ओङजीनोङ सेम मेसेता खाला येशू ख्रीष्‍टला विश्‍वास खिन देत्‍नामेई ख्‍योकोन जस्‍तो दुक्‍पाङ खपे खिता थुप्‍कान डुइओ।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन