२ पत्रुस 1:19 - जिरेल

¹⁹ ङ्योकोनगी थोङातेताङ थोबाते होथे बात ताला परमेश्‍वर बात खित्‍कान्‍तेबेकी गोमाका साबा ओताते बाततेबा पक्‍काराङ ईन सिन सिरा थुप्‍क्‍यो। थेबेकी साबाते बातओन ङेन्‍गीन देत। दोक खासीन बत्ती पारनामेकी नाम्‍दाक ओङाच्‍योक खाला खेराङगी खोबा फाप्‍च्‍येते बाततेबा लेमु खाला खोबा थुप्‍क्‍यो। येशू ख्रीष्‍ट ग्‍युरगीन मावाथुप ख्‍योकोनगी दि बाततेबा ङेन्‍गीन देत। थेचेन ङोमु पाखाला स्‍यारच्‍येते कार्मा ईन।

२ पत्रुस 1:19 Iomraidhean Croise

मत्ती 4:16

थेबा पापताङ लोभकी खाङाते मुन्‍दाकते ठाउँदु देता ओतान। थानी थेबेकी स्‍वर्गनेई वाबाते जोदाज्‍यीक नाम्‍दाक थोङा ङेत्‍सुङ। मुन्‍दाकते ठाउँदु देत्‍कीन स्‍याप छेतराङ गाला ओताते मिओनगी नाम्‍दाक छ्याङे गाला थोङसुङ,” सिन साबा ओतान।

यूहन्‍ना 5:35

यूहन्‍नाचेन आउदी लेमु खाईन बाराते बत्ती नाम्‍दाक च्‍योक ओतान। थेमे टिक्‍पी दिनकामा ख्‍योकोनला थेकी लापाते बातओन लेमु लासुङ।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

शक्ति काम 15:29

थे बातओन च्‍यि ईन्‍दे सासीन ख्‍योकोनगी ल्‍हाला पूजा खाबाते छ्याःङ मासा, ठागोङ मासा। ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। ङ्योकोनगी माकेत साबाते दि कामओन ख्‍योकोनगी माक्‍यासीन लेमु ओङगो। लो ख्‍योकोन गाङेला साबा च्‍योक ओङस्‍यीत,” सिन टिबा ओतान।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

हिब्रू 2:2

परमेश्‍वरगी थे खोरोङ दूतओन छ्य्‌वापेकी ङुरूङ ज्‍युज्‍यु पुर्खेकी ङेन्‍दा फाप्‍च्‍येते नियम बिन्‍दा ओतान। थेमे थे नियम मेङेन्‍कानगी सजाय ङेत्‍क्‍यो सिन साबा ओतान। थे नियमला माकेत साबाते कामज्‍यीककामा खासीनोङ थेमे थेरू खि साबाते बातज्‍यीककामा माङेन्‍सीनोङ थोक खित्‍कान्‍ते मिओनगी परमेश्‍वरगी साबा च्‍योकराङ खाईन सजाय ङेता ओतान।

याकूब 2:8

थेमे परमेश्‍वर बातला “ख्‍योकोनगी दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबा ओत। परमेश्‍वर राज्‍यदु ङेन्‍दा फाप्‍च्‍येते दि नियमला साबाच्‍योक खाईन कामोङ खासीन ख्‍योकोनगी लेमुराङ खाबाते ईन।

१ पत्रुस 1:10

परमेश्‍वरगी ख्‍योकोनला दया खाला पापदुकी डेल्‍च्‍येते बात खिन परमेश्‍वर बात खित्‍कान्‍ते मिओनगी परमेश्‍वरगी मिला पापदुकी डेल्‍च्‍येते चुक खाला नाम खिताका सिन आउदी खाईन छ्या स्‍येबा चाला ओतान।

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

३ यूहन्‍ना 1:6

होथे आज्‍यो न्‍वाओनगी दुरू वाकीन खुई थेबाला थोई लेमु खासुङा सिन येशू ख्रीष्‍ट मिओन दोन्‍दु गाङे लाःप्‍सुङ। था थेबा ज्‍येन ठाउँला डोजीनोङ खुई थेबाला गोच्‍येते बिन्‍ला होथोकराङ लेमु खाईन ताङसीन लेमु ओङगो। थोक खाबाते परमेश्‍वर दोन्‍दु खिता डिक्‍च्‍येते काम ईन।

छ्या स्‍ये च्‍युताते बात 2:28

थेमे थेला ङा ङोमु पाखाला स्‍यारच्‍येते कार्मा तेरग्‍यो।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।