२ पत्रुस 1:17 - जिरेल

^17-18 चुक सासीन बाजिई ङ्योकोन प्रभु येशूताङ बोमज्‍यीक्‍तु ङ्योम्‍बुराङ ओते बेलाला आबा परमेश्‍वरगी थेला आउदी छ्येज्‍यीक मान बिन्‍देकी खित्‍सादु ङ्योकोनगी थेला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थेमे थेजीनराङ परमेश्‍वरगी स्‍वर्गनेकी “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्‍वरगी थेला थोक छ्ये जोइन साबाते दि बात ङ्योकोनगी ङेराङ नामज्‍योककीराङ थोबाते ईन।

२ पत्रुस 1:17 Iomraidhean Croise

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मत्ती 17:3

थेमे परमेश्‍वर बात खित्‍कान्‍ते मोशाताङ एलिया थेरू वाकीन थेत्ताङ बात खिन ओतातेङ थेबेकी थोङसुङ।

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:11

थेमे स्‍वर्गनेईराङ “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

मर्कूस 9:7

पत्रुसकी बात खिन खिनलाराङ मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दिकी साबाते बात ङेन,” सिन सिरा थेबेकी थोसुङ।

लूका 10:22

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो,” सिन सिदुक।

लूका 3:22

बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 14:11

आबाताङ ङा दोक्‍पोईराङ ईन सिन ङे साबाते बात पत्ते खि। ङे साबाते बात सेमला मागाल्‍सीनोङ ङे खाबाते कामतेबा ताला ख्‍योकोन दि बात पत्ते खि।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

यूहन्‍ना 3:35

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।

यूहन्‍ना 5:20

आबेकी थे खोरोङ फुज्‍युङला ङिङज्‍ये खिओ। थेमे थे खोरोङगी खिन ओताते गाङे काम फुज्‍युङतेला तेन्‍ग्‍यो। दोस्‍यिककामा मेन, थेकी खाबाते काम थोङला ख्‍योकोन छक्‍क परे खित्‍स्‍यीत सिन आबेकी थेला झन दि भन्‍दाङ छ्ये छ्येतेन्‍दे काम तेन्‍ग्‍यो।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:39

ङाला दुरू तोङकान्‍तेकी खिता चालाते कामचेन थे खोरोङगी ङे लाःक्‍तु जिम्‍मा बिन्‍दाते जति सुङलाङ ङाराङ छ्य्‌वापेई ठाल मुज्‍युत्‍च्‍येते थेमे न्‍याय खिते छोमु थेबाला सोम्‍बो लोक्‍च्‍येते ईन।

रोमी 15:6

दोक खाईन ख्‍योकोन गाङे सेमज्‍यीकराङ खाला डिक्‍ला ख्‍योकोनगी खाज्‍यीकराङ खाला ङुरूङ प्रभु येशू ख्रीष्‍ट आबा परमेश्‍वरते जय जय खिता थुप्‍क्‍यो।

२ कोरिन्‍थी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। मिओनला ङिङज्‍ये खित्‍कान्‍ते थेमे दुक्‍पे बेलाला आँट तेरकान्‍ते थेराङ ईन।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

२ यूहन्‍ना 1:3

आबा परमेश्‍वरताङ थे फुज्‍युङ येशू ख्रीष्‍टकी ङुरूङला दया खिन थेमे ङिङज्‍ये खाला लेमु खिन देत्‍नामेई ङुरूङगी सत्‍यते बात झन लेमु खाला छ्या स्‍येबा थुप्‍क्‍यो थेमे दाक्‍पोन नाङ ङिङज्‍ये खिन देता थुप्‍क्‍यो।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।