२ पत्रुस 1:16 - जिरेल

¹⁶ ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।

२ पत्रुस 1:16 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 17:1

थेरूई ङीमा ठुक तिरी पत्रुस थेमे याकूबताङ थे न्‍वा यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान।

मत्ती 24:27

चिलाम नाम्‍दाककी खित्‍सादु चिलाम खासुङ सिन छ्या स्‍येबा च्‍योकराङ परमेश्‍वर ओत्‍सादुई वाबाते मि ङा गाङेकी थोङा खाला देमा ग्‍युरला ओङगो। ङा वाबाते ईन्‍दा ना मेन्‍दा सिन सुङगीङ छ्याःङ शंकाराङ खिता माफाबो।

मत्ती 24:3

येशू जैतुन बोमदु देता ओते बेलाला चेलातेबेकी दोन्‍दु गाल्‍गीन “गुरू, खुई आनाङ साबाच्‍योक नाम ओङगीते? थेजीन चुक चुक ओङगीते? थेमे तिरी खो स्‍वर्गनेकी ग्‍युरला ओङच्‍येते थेमे दि जुग सिन्‍च्‍येते बेला लेप्‍तुक सिन चुक खाला छ्या स्‍येच्‍ये?” सिन ठिसुङ।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मर्कूस 13:26

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

मर्कूस 14:62

थेमे येशूकी “ईन, ङा थेराङ ईन। थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

लूका 1:2

थेबेकी टिबाते बातचेन नाम चुक ओङाते ईन्‍दे, चुक्‍ते ईन्‍दे सिन शुरूमेई थोङकान्‍तेताङ थोकान्‍ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्‍कीन बिन्‍दा ओत। थे मिओनचेन होदि बातओन लोपालाराङ खटे खाबाते ईन।

लूका 9:43

परमेश्‍वरते थोक छ्येज्‍यीक शक्ति थोङगीन मि गाङे छक्‍क परे खासुङ। मि गाङेराङ येशूकी खाबाते दोक्‍ते अचम्‍ब अचम्‍बे काम थोङगीन छक्‍क परे खाबा ओतान। थेमे थेजीनराङ थेकी चेलातेबाला

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

१ कोरिन्‍थी 1:17

ख्रीष्‍टकी ङाला मिओनला बप्‍तिस्‍मा बिन सिन खटे खाबाते मेन। ङालानी थेकी गा लाङच्‍येते बात लोपालाका खटे खाबाते ईन। थेमे थे बात लोप्‍जीन नोमुङ ङे आउदी पढे खाबाते मिओनगी च्‍योक खाईन बात माक्‍या। थोक खाबा ईन्‍सीन ख्रीष्‍टकी थे खोरोङ ज्‍यान बिन्‍गीन स्‍यिङगी थामला टाँए खाईन स्‍याप्‍ते बात छ्याःङ च्‍योक ओङच्‍या मेतान।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 1:7

थोक ईन्‍देकी था प्रभु येशू ख्रीष्‍ट नामराङ ग्‍युरला वाओङा सिन गुला देत्‍जीन ख्‍योकोनला गोच्‍येते परमेश्‍वर आत्‍मेकी तेरच्‍येते सीपताङ शक्ति ख्‍योकोनगी गाङे ङेता ओत।

१ कोरिन्‍थी 2:1

आज्‍यो न्‍वावे, ङा गोमा ख्‍योकोन ओत्‍सापा परमेश्‍वरगी येशू ख्रीष्‍टकी खित्‍सादु मिओन लाईदु च्‍यि खासुङा सिरच्‍येते बात लोप ओङजीन ङे आउदी पढे खाबाते मिकी च्‍योक खाईन बात माक्‍या। जे बादोङ छ्या स्‍येकान्‍ते मिकी च्‍योक खाईनोङ मालाप।

१ कोरिन्‍थी 2:4

ख्‍योकोनला येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातओन लोप्‍जीन मिओनला बातकीराङ ल्‍वा थुप्‍कान्‍ते सिपालुते मिओनगी च्‍योक खाईन ङे ङाराङ बुद्धिकी मालाप बरू परमेश्‍वरताङ चुक छ्येज्‍यीक शक्ति ओते सिन ङेचेन परमेश्‍वर आत्‍मे छ्य्‌वापेई थे बातओन लापाप।

१ कोरिन्‍थी 5:4

प्रभु येशूला छ्ये ज्‍वाप्‍ला ख्‍योकोन गाङेराङ रूबा ओते बेलाला ङाङ ख्‍योकोनताङ ङ्योम्‍बु ओताच्‍योक खाला ख्‍योकोनगी प्रभु येशू शक्ति छ्य्‌वापेकी थे मिला दोक खि।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

फिलिप्‍पी 3:21

ङुरूङ जीउ प्रभु येशू ख्रीष्‍टकीते सोम्‍बो लोक्‍जीन ओताते जीउ च्‍योक मेत। थोगी ङुरूङ नेइओ, दुक्‍पा ओङगो थेमे ङुरूङ स्‍यिनामेई रूल्‍ला डुइओ। ईन्‍सीनोङ था प्रभु येशू ख्रीष्‍ट ग्‍युरगीन वानामेई थेकी ङुरूङ जीउ थे खोरोङते च्‍योकराङ लेमु जोइओ। जेसुकैला थे खोरोङ अधीनला ज्‍य्‌वाच्‍येते शक्तिकी थेकी दोक खिओ।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

२ थिस्‍सलोनिकी 2:9

थे आउदी पाप खित्‍कान्‍ते मि दुरू वानामेई शैतानगी थेला छ्येज्‍यीक शक्ति तेरग्‍यो। थेमे थे मिकी छ्ये छ्येताङ अचम्‍बतेन्‍दे काम खाला तेन्‍ग्‍यो। थे काम थोङजीन मिओनला परमेश्‍वरगी खित च्‍युताते ईन्‍दासीन सिरा च्‍योकराङ लाङगो।

१ तिमोथी 1:4

थेमे थेबाला छ्याःङ काम लै मिक्‍किच्‍येते कथा थेमे थाङबो थाङबोमे वंशावली बात खाला दिन तोङच्‍येते माकेत सि। थोक्‍ते बात खित्‍जीन खालि टेकाटेउरीकामा स्‍योरग्‍यो, नोमुङ डिक्‍च्‍येते बात मेङगो। थोक्‍ते बात खित्‍कान्‍ते मिओनगीचेन परमेश्‍वरगी मिओन नाङ खिता चालाते काम मिक्‍किओ। येशू ख्रीष्‍टला लेमु खाला विश्‍वास खालाकामा परमेश्‍वरगी खिता चालाते काम खिता थुप्‍क्‍यो।

१ तिमोथी 4:7

थेपा कोई कोई मिकी लोप्‍कीन ओताते कामराङ लै मिक्‍किच्‍येते कथाला खुई नामज्‍योक मासेत, ज्‍येनलाङ ङेन माज्‍युत। थेबेकी लोप्‍च्‍येते बातनी सत्‍यते बातताङ डिकराङ मिडिक्‍च्‍येते थेमे थाङनेते फेम्‍मे मि बात च्‍योक्‍ते ईन। थोगी खुई परमेश्‍वरला चुक खाला माने खिन ओते थे छ्य्‌वापा स्‍येत लै खाला झन थोक खिनराङ देत।

तीतस 1:14

थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

यहूदा 1:14

होथोक्‍ते मिओनला चुक ओङगीते सिन आदम पुस्‍ता दुईन तिरी मि हनोककी परमेश्‍वरगी सिर च्‍युताते बात खिन “दि बात ङेन। च्‍यि सासीन था प्रभु परमेश्‍वर ङोला ङ्वा मुथुप्‍च्‍या थे खोरोङ दूततेबा ङ्योम्‍बु टीला

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।