२ पत्रुस 1:15 - जिरेल

¹⁵ ङा स्‍यिनामेकीङ ख्‍योकोनगी दि बाततेबा नोमुङ टोक मेज्‍येत्‍स्‍यीत सिनराङ ङे ङाराङ स्‍येतकी थुपासम्‍म खाईन दि बातओन खो ज्‍युता चालाते ईन।

२ पत्रुस 1:15 Iomraidhean Croise

लूका 12:58

दि बात विचार खि। च्‍यि सासीन ख्‍योकोन सुइँदेकी ज्‍येनला मेलेबा खासीन थे नालिस तेराला अड्डाला ख्‍याम्‍ग्‍यो। थोक खाला खेराङ ङिकाराङ अड्डाला डोजीन ख्‍योकोनगी थेत्ताङ डिगी सिन लामलाराङ खेराङ बात डिक्‍पा खि। थोक माक्‍यासीन थेकी ख्‍योकोनला न्‍यायाधीश खादु केल्‍ग्‍यो। थेमे न्‍यायाधीशकीचेन जेलला ल्‍हुक सिन पुलिसला जिम्‍मा तेरग्‍यो।

लूका 9:31

थेबाङ नाम्‍दाककी झिलिमिली गाला ओतान। थेमे थेबेकी था परमेश्‍वरगी साबा च्‍योकराङ खाला येशू यरूशलेमदु गाल्‍ला स्‍यिच्‍येते बात खिन ओतान।

२ थिस्‍सलोनिकी 2:5

ख्‍योकोनताङ ङ्योम्‍बु ओत्‍जीन दि बाततेबा ङे ख्‍योकोनला गाङे साबा ओतान। ख्‍योकोनगी टोक ज्‍येत्‍सुङरो?

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

हिब्रू 11:4

हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।

२ पत्रुस 1:12

ईन्‍दाका दि बातओन ख्‍योकोनला लेमुराङ खाला छ्या ओत। थेमे दि सत्‍यते बात ईन सिन ख्‍योकोनगी छ्याःङ शंका मिक्‍किता खाला ङेन्‍गीनोङ दुक। ईन्‍सीनोङ ङाला दि बातओन ख्‍योकोनला याङ याङ दोरे खाला सिरा सेम लाङगीदुक।