२ पत्रुस 1:12 - जिरेल12 ईन्दाका दि बातओन ख्योकोनला लेमुराङ खाला छ्या ओत। थेमे दि सत्यते बात ईन सिन ख्योकोनगी छ्याःङ शंका मिक्किता खाला ङेन्गीनोङ दुक। ईन्सीनोङ ङाला दि बातओन ख्योकोनला याङ याङ दोरे खाला सिरा सेम लाङगीदुक। Faic an caibideil |
२ पत्रुस 1:12
20 Iomraidhean Croise
थेमे ज्येन बात च्यि सासीन आज्यो न्वावे, ख्योकोन प्रभु ख्रीष्टताङ जीउज्यीकराङ ओङा ओताते मि ईन्देकी गा खि। ङा ख्योकोनला ङे गोमामेई याङ याङ सिन वाबाते बातराङ टिगीन ओत। बातज्यीकराङ याङ याङ टिक्पा फाप्सीनोङ ङाला छ्याःङ दिक्क लाबा मेत। ङे टिबाते बात पढे खाला ख्योकोनगी चुक खिता फाप्च्या ईन्दाका सिन लेमु खाला छ्या स्येक्यो।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
बात दोक दोक ईन्देकी ङिङज्येते आज्यो न्वावे, होदोक्ते मेन्दे बात लोप्कान्ते मिओन ओङगो सिन ख्योकोनला छ्याराङ ओतेकी ख्योकोन च्याङबो खाला देत। दोक माक्यासीन खिता मेङच्या ङोचा लाङच्येते काम खित्कान्ते मिओनगी लोप्च्येते मेन्दा मेन्दे बात ङेन्ला ख्योकोनगी खेराङगी ङेन्गीन ओताते सत्यते बात ङेन्दा तोङगो।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
Sanasan