२ पत्रुस 1:11 - जिरेल

¹¹ थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 1:11 Iomraidhean Croise

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

यूहन्‍ना 10:10

चोरनी खालि क्‍वाप सिन, सेताप सिन थेमे जेसुकै ङ्ये ज्‍युताप सिनकामा ओङगो। ङाचेन मिओनगी नोमुङ मिसिन्‍च्‍येते जुनी ङेत्‍स्‍यीत थेमे थे जुनी ङे थेबाला तेरा चालाच्‍योक पूरो खाला ङेत्‍स्‍यीत सिन दुरू वाबाते ईन।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

१ कोरिन्‍थी 15:24

थेमे शैतान ईन्‍स्‍यीत, ल्‍हा ल्‍हन्‍डीक जोराङ ईन्‍स्‍यीत, स्‍वर्गदु, नरककुण्‍डमा थेमे सा नाम खाङ राज्‍य खित्‍कान्‍तेबा गाङेला पूरो खाईन ग्‍याल्‍गीन सिन्‍नामेकीचेन ख्रीष्‍टकी थे खोरोङ राज्‍य आबा परमेश्‍वरला सोम्‍पे खिओ। थेकी थेबा गाङेला ग्‍याल्‍गीन सिन्‍नामेईचेन दि जुगोङ सिन्‍ग्‍यो।

२ कोरिन्‍थी 5:1

थरिङोले ङुरूङ जीउ ङीमा ङि सुम देताला टाँए खाबाते पाल च्‍योक्‍तेकामा ईन। स्‍यिनामेकी ङुरूङ दाक रूल्‍ला डुइओ सिन ङुरूङला छ्या ओत। ईन्‍सीनोङ था तिरी परमेश्‍वरगी ङुरूङला नोमुङ स्‍यिला रूल्‍ला मोन्‍डोच्‍येते जीउ तेरग्‍यो। थे जीउचेन मिकी जोबाते खाम्‍बा च्‍योक मेन्‍देकी नोमुङ माराम्‍च्‍येते स्‍वर्गे खाम्‍बा च्‍योक्‍ते ईन।

एफिसी 3:20

ङुरूङ नाङ काम खिन ओताते छ्येज्‍यीक शक्ति छ्य्‌वापेई परमेश्‍वरगी ङुरूङगी थेला नाङ साबा भन्‍दाङ काल्‍बेई तेरग्‍यो। थेमे ङुरूङगी विचार खाबा भन्‍दा खापान खापान छ्ये काम खिता थुप्‍क्‍यो।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

२ तिमोथी 4:18

थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 6:17

थे खोरोङगी जमान खाबाच्‍योक पक्‍काराङ खिओ थेमे थे बात बान्‍दा खुदुक मोजोओ सिन सिराला परमेश्‍वरगीङ ना क्‍याला ओतान।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

२ पत्रुस 1:5

बात दोक ईन्‍देकी ङुरूङ दि सा लुङबे मि ज्‍येन च्‍योकराङ मेन्‍देकी ङा ख्‍योकोनला च्‍यि सिते सासीन येशू ख्रीष्‍टला विश्‍वास खिन देत्‍ला ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि। दोक खानामेई परमेश्‍वरगी च्‍यि खि सिका सिन लेमु खाला छ्या स्‍येबा खि।

२ पत्रुस 2:20

ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।

छ्या स्‍ये च्‍युताते बात 5:10

खुई थेबाला खोरोङताङराङ राज्‍य खित्‍कान्‍ते मि जोसुङ थेमे ङुरूङ परमेश्‍वरला माने खित्‍स्‍यीत सिन परमेश्‍वर पूजारी जोसुङ। था थेबेकी दि सा लुङबा खाङ राज्‍य खिओ,” सिन साम्‍बाते लुज्‍यीक लासुङ।