२ पत्रुस 1:10 - जिरेल

¹⁰ थोगी आज्‍यो न्‍वावे, परमेश्‍वरगी खेराङला छाने खाईन थे खोरोङ दोन्‍दु स्‍योक सिन काताङाते पक्‍काराङ ईन सिन छ्या स्‍येबाला ख्‍योकोनगी ङे थाल्‍लासाक साबाच्‍योक खिनराङ देत। दोक खिन देत्‍सीन ख्‍योकोनगी मेलेबा काम मिक्‍किओ।

२ पत्रुस 1:10 Iomraidhean Croise

मत्ती 22:14

थोगी बात दिराङ ईन। च्‍यि सासीन स्‍वर्गे राज्‍यने स्‍यू सिन मि काल्‍बेईला साबा ओङगो। ईन्‍सीनोङ थेने स्‍यूक्‍पाला छाने खाबाते मिओनचेन टिक्‍पीईराङ ओङगो,” सिन सिदुक।

रोमी 11:29

च्‍यिला सासीन परमेश्‍वरगी सुइँदाला आशी बिन्‍ला लेमु खिओ सिन छाने खानामेई खासुङ खासुङ थेकी थे बात नोमुङ खुदुक मोजोओ।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

हिब्रू 6:11

स्‍यि स्‍यिसाकराङ ख्‍योकोन गाङेकी दोकराङ खिन देत्‍स्‍यीत सिरच्‍येते ङ्योकोन सेम ओत। दोक खिनराङ देत्‍सीन परमेश्‍वरगी खेराङला तेरग्‍यो सिन साबातेबा पक्‍काराङ ङेत्‍क्‍यो सिन ख्‍योकोनगी आश खाईन गुकीन देतातेबा गाङे ङेत्‍क्‍यो।

हिब्रू 6:19

दाक्‍पोनगी आश खाईन देताच्‍योक पक्‍काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्‍यीबा मिक्‍किता खाला देता थुप्‍क्‍यो। ङुरूङगी आश खाईन देता च्‍योकराङ खाला ङुरूङला परमेश्‍वर दोन्‍दु खेराला येशू गाङे भन्‍दा छ्येते पूजारी ओङगीन ङुरूङ भन्‍दा गोमाका पर्दे ल्‍हाकनापा परमेश्‍वर दोन्‍दु गाङे भन्‍दा छ्येते पूजारीकामा ड्वा ङेत्‍च्‍येते ठाउँदु गाल्‍गीन देता ओत। येशू मल्‍कीसेदेक च्‍योकराङ गाङे भन्‍दा छ्येते पूजारी ओङा ओत। थे सधैँभरि गाङे भन्‍दा छ्येते पूजारी ओङला देत्‍क्‍यो।

याकूब 2:10

सुइँदेकी परमेश्‍वर नियम नाङ ज्‍येन जति गाङे ङेन्‍गीन दोक्‍पोईकामा माङेन्‍सुङ सासीन थे नियम गाङे माङेन्‍दा छेतराङ ईन।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 1:5

बात दोक ईन्‍देकी ङुरूङ दि सा लुङबे मि ज्‍येन च्‍योकराङ मेन्‍देकी ङा ख्‍योकोनला च्‍यि सिते सासीन येशू ख्रीष्‍टला विश्‍वास खिन देत्‍ला ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि। दोक खानामेई परमेश्‍वरगी च्‍यि खि सिका सिन लेमु खाला छ्या स्‍येबा खि।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

२ पत्रुस 3:17

बात दोक दोक ईन्‍देकी ङिङज्‍येते आज्‍यो न्‍वावे, होदोक्‍ते मेन्‍दे बात लोप्‍कान्‍ते मिओन ओङगो सिन ख्‍योकोनला छ्याराङ ओतेकी ख्‍योकोन च्‍याङबो खाला देत। दोक माक्‍यासीन खिता मेङच्‍या ङोचा लाङच्‍येते काम खित्‍कान्‍ते मिओनगी लोप्‍च्‍येते मेन्‍दा मेन्‍दे बात ङेन्‍ला ख्‍योकोनगी खेराङगी ङेन्‍गीन ओताते सत्‍यते बात ङेन्‍दा तोङगो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।