२ पत्रुस 1:1 - जिरेल

¹ दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

२ पत्रुस 1:1 Iomraidhean Croise

मत्ती 10:2

थोक खाईन थेकी खटे खाबाते मेन्‍दा च्‍युन्‍ङी नाङ दोक्‍पोईचेन शिमोन ओतान। थेला पत्रुस सिनोङ मिन ज्‍याक्‍पा ओतान। ज्‍येन मेरा च्‍युच्‍यीकचेन शिमोन आज्‍यो अन्‍द्रियास, जब्‍दी फुज्‍युङ ङिबो याकूबताङ थे न्‍वा यूहन्‍ना,

मत्ती 4:18

ङीमाई येशू गालील समुन्‍द्रे छेउकी नाङपा ख्‍याम्‍गीन ओतान। ख्‍याम्‍गीन डोजीन थेकी थेरू ङ्या सेत्‍कान्‍ते मेन्‍दा ङि मिला थोङसुङ। थेबाचेन शिमोनताङ थे आज्‍यो अन्‍द्रियास ओतान। शिमोनलाचेन तिरी पत्रुस सिनोङ सिन ओतान। थेबा पुन ङिबो ङ्या सेताला जाल देगीन ओतान।

लूका 1:47

पापताङ दुक्‍पादुकी डेल्‍कान्‍ते थेराङ ईन्‍देकी ङाला आउदी गा लाङगीदुक।

लूका 11:49

खेराङ ज्‍युज्‍यु पुर्खाताङ ख्‍योकोनगी होदोक्‍ते काम खिओ सिन थे खोरोङ बुद्धिकी परमेश्‍वरगी गोमाका छ्या स्‍येबा ओतान। थेमे थेकी ‘ङा ङे बात खित्‍कान्‍तेबा थेमे ज्‍येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्‍क्‍यो, कोईला आउदी दुक्‍पा बिन्‍ला उरला तोङगो,’ सिन साबा ओतान।

यूहन्‍ना 1:42

थेमे थेकी न्‍वातेलाङ येशू ओत्‍सादु टीकीन खेरसुङ। थेबा थेपा लेप्‍नामेई येशूकी शिमोनताङ बात खिन “खोचेन योआनेस फुज्‍युङ शिमोन ईन। थरिङमेई खुई मिन केफास ईन,” सिन सिदुक। केफास साबाते पत्रुस साबाते ईन। पत्रुस अर्थचेन दो ईन।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

शक्ति काम 15:14

चुक खाईन परमेश्‍वरगीराङ ज्‍येन ज्‍येन जातकी मिलाङ दया खाईन थेबे नाङदुई थे खोरोङ मि जोसुङा सिनका थाल्‍ला भर्खरराङ शिमोनगी ङुरूङला लाःप्‍सुङ।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 1:12

ईन्‍दानी ङुरूङ ठेत्‍जीन ङे ख्‍योकोनलाकामा मद्धत तेरच्‍येते मेन। ङुरूङ ङ्योम्‍बुराङ देत्‍ला येशू ख्रीष्‍टला विश्‍वास खित्‍च्‍येते बात खित्‍जीन ङे ख्‍योकोनला थेमे ख्‍योकोनगी ङाला आँट तेरा थुप्‍च्‍या ओतान।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 15:9

येशू ख्रीष्‍टकी खटे खाबाते मि गाङे नाङ ङानी थेबा छेत ईनराङ मेन। ङानी येशू ख्रीष्‍टकी खटे खाबाते मि ईन सिराङ सोई मिक्‍किओ। च्‍यिला सासीन ङेनी गोमाबा परमेश्‍वर मिओनला गाङेपा चाल्‍गीन चाल्‍गीन थेबे खेदापानी खाबाप।

१ कोरिन्‍थी 9:1

च्‍यि ङाराङगी खिता चालाते काम ङे ङाराङ खुशीकी खिता मेङेदोतरो? च्‍यि ङाङ येशू ख्रीष्‍टकी खटे खाबाते मि मेनरो? च्‍यि ङे ङुरूङ प्रभु येशूला थोङा मेत साबाप? थेमे च्‍यि ङे प्रभु येशूकी ङाला कोताते काम खाबेकीका ख्‍योकोनगी थेला विश्‍वास खाबाते मेनरो?

२ कोरिन्‍थी 4:13

थेमे परमेश्‍वर बातला “परमेश्‍वरगी लेमु खिओ सिन ङे थेला विश्‍वास खाबा ओतेकी ङा ज्‍येनलाङ थेकी थोकराङ खिओ सिन लोप्‍क्‍यो,” सिन टिबा ओत। परमेश्‍वर बातला टिबा ओताते होदि बात खित्‍कान्‍ते मि च्‍योकराङ ङ्योकोनोङ परमेश्‍वरला विश्‍वास खित्‍कान ईन्‍देकी मिओनला गा लाङच्‍येते बात लोप्‍क्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 2:8

च्‍यिला सासीन पत्रुस यहूदी नाङ काम खिताला येशू ख्रीष्‍टकी खटे खाबाते मि ईन्‍देकी परमेश्‍वरगी पत्रुस छ्य्‌वापेकी यहूदीओन नाङ काम खाबा च्‍योकराङ ङाचेन ज्‍येन ज्‍येन नाङ काम खिताला येशू ख्रीष्‍टकी खटे खाबाते मि ईन्‍देकी परमेश्‍वरगी ङे छ्य्‌वापेकी ज्‍येन ज्‍येन जातकी मि नाङ काम खासुङ।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

एफिसी 4:11

थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

एफिसी 4:5

थोकराङ खाला प्रभु येशू ख्रीष्‍टकामा ङुरूङ मालिक ईन, थेला विश्‍वास खित्‍जीन ङुरूङ गाङेकी ङेन्‍दाते बातज्‍यीकराङ ईन थेमे ङुरूङ गाङेकी थे मिनगी छ्य्‌वापेईराङ बप्‍तिस्‍मा लाबाते ईन।

फिलिप्‍पी 1:1

दि चिट्ठी टिक्‍कान्‍ते ङा पावल थेमे तिमोथी ईन। ङ्योकोन येशू ख्रीष्‍ट काम खित्‍कान्‍ते मि ईन। ङ्योकोन दि चिट्ठी फिलिप्‍पी सारदु ओताते परमेश्‍वर सन्‍तानओनला ताकान्‍तेबे नाङ छ्येते मिओन थेमे थेबाला थोक खिताला मद्धत तेरकान्‍ते मिओनला टिगीन ओत। थेबालाकामा मेन्‍देकी दि चिट्ठी येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला टिगीन ओत।

फिलिप्‍पी 1:29

परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

२ तिमोथी 1:5

थेमे खेकीकामा मेन्‍देकी खुई पक्‍काराङ खाईन येशू ख्रीष्‍टला विश्‍वास खाबाते बात ङे टोक ज्‍येता मेत। खुई गोम्‍मु लोइसताङ खोरोङ आमा युनिसकीङ थोङला होदोकराङ खाला परमेश्‍वरला विश्‍वास खिन ओतान। खोङ थेबेकी च्‍योकराङ खाला येशू ख्रीष्‍टला विश्‍वास खित्‍कान्‍ते मि ईन सिन ङाला लेमु खाला छ्या ओत।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

१ पत्रुस 1:1

दि चिट्ठी टिक्‍कान्‍ते ङा पत्रुस ईन। ङा येशू ख्रीष्‍टकी खटे खाबाते मि ईन। ङा दि चिट्ठी पोन्‍टस, गलातिया, कापाडोसिया, एशिया थेमे बिथिनिये नाङला मि लुङबे मि च्‍योकराङ ओङगीन लुङबा लुङबाला गाल्‍गीन देता ओताते मिओनला टिगीन ओत। ख्‍योकोन परमेश्‍वरगी छाने खाबाते मि ईन।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

१ पत्रुस 2:7

थोगी थे दो साबाते येशू ख्रीष्‍टला विश्‍वास खित्‍कान्‍तेबा ख्‍योकोन लाईदु थे आउदी काम लै खित्‍च्‍येते दो ईन। ईन्‍सीनोङ थेला विश्‍वास मिक्‍किकान्‍तेबे लाईदु थे चुक्‍ते ईन्‍दे सिन परमेश्‍वर बातला “जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,” सिन टिला दुक।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।