२ यूहन्‍ना 1:5 - जिरेल

⁵ थोरूमोङ ङा खोल्‍ला ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन सिओ। दोक खिइ सिन ङा खोल्‍ला बिन्‍ती खिओ। ईन्‍दाका दि खुई गोमा माथोबाते बात मेन। दि बात ङुरूङगी येशूला विश्‍वास खिता छोमुमेईराङ थोबाते बात ईन।

२ यूहन्‍ना 1:5 Iomraidhean Croise

यूहन्‍ना 15:12

ङा ख्‍योकोनला दोक खि सिन कोत्‍क्‍यो। च्‍यि सासीन ङे ख्‍योकोनला खाबा च्‍योकराङ खाला ख्‍योकोनगीङ खेराङ नाङ दोक्‍पोईकी ज्‍येनज्‍यीकला ङिङज्‍ये खि।

यूहन्‍ना 15:17

ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोनगी दोक्‍पोईकी ज्‍येनज्‍यीकला ङिङज्‍ये खि।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

हिब्रू 13:1

थेमे खेराङ गाङेराङ आज्‍यो न्‍वा ईन्‍देकी दोक्‍पोईकी ज्‍येनज्‍यीकला ङिङज्‍ये खिन देत।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

२ पत्रुस 1:7

दिकामा मेन, खेराङ च्‍योकराङ परमेश्‍वरला विश्‍वास खित्‍कानला दुक्‍पाला लेमु खि थेमे ज्‍येनला ङिङज्‍ये खि।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

२ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा परमेश्‍वरगी छाने खाबाते फेम्‍मे मि खोत्ताङ खुई फुज्‍युङ फुमुला टिगीन ओत। खेकीकामा मेन्‍देकी ङा ख्‍योकोनला पक्‍काराङ ङिङज्‍ये खिओ। ङेकामा मेन, सत्‍यते परमेश्‍वरला छ्या स्‍येकान गाङेकी ख्‍योकोनला ङिङज्‍ये खिओ।