२ कोरिन्‍थी 9:8 - जिरेल

⁸ परमेश्‍वरगी ख्‍योकोनला जहिलेङ जे कुरोङ खेराङला गोबा भन्‍दाङ ल्‍हाक्‍पा तेरा थुप्‍क्‍यो। दोक खाला ख्‍योकोनला मादाङच्‍या मोख्‍योप्‍च्‍या सिराते छ्याःङ मायाङला ख्‍योकोनगी झन झन ज्‍येनला लेमु खाला ता थुप्‍क्‍यो।

२ कोरिन्‍थी 9:8 Iomraidhean Croise

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

२ कोरिन्‍थी 13:3

ख्‍योकोनगी ङे थाराङ बात खित्‍च्‍या ईन्‍दाकाना ख्रीष्‍टकी खित च्‍युताते बात खित्‍च्‍या ईन्‍दाका सिन था थेजीनराङ लेमु खाला छ्या स्‍येक्‍यो। ङे थोक खित्‍जीन ख्रीष्‍ट छ्याःङ खिता मुथुप्‍कान्‍ते मेन्‍दाक्‍वा बरू थेत्ताङ छ्येज्‍यीक शक्ति ओताक्‍वा सिनोङ ख्‍योकोनगी छ्या स्‍येक्‍यो।

२ कोरिन्‍थी 8:19

दोस्‍यिककामा मेन, ज्‍येनला मद्धत तेराला सिन जम्‍मा खाबाते पैसा केलाला ङ्योकोनताङ ङ्योम्‍बु ड्वाप्‍ला सिन दिलानी देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्‍पा ङेतातेबाला मद्धत तेरच्‍येते ङ्योकोनते आउदी सेम ओताक्‍वा सिन ज्‍येनगी छ्या स्‍येक्‍यो। दि कामगी खित्‍सादु मिओनगी प्रभु येशू ख्रीष्‍टला छ्ये जोइओ।

२ कोरिन्‍थी 8:2

खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

२ कोरिन्‍थी 8:7

ज्‍येनला तासीन जे कुरोङ ख्‍योकोनगी लेमु खिन दुक। च्‍यि सासीन ख्‍योकोन प्रभु येशूला लेमु खाला विश्‍वास खित्‍कान्‍ते मि ईन, ज्‍येनला परमेश्‍वर बात लेमु खाला लोप्‍च्‍येते सीपताङ शक्ति ङेताते मि थेमे परमेश्‍वरगी छ्या स्‍ये ज्‍युत्‍च्‍येते बात लेमु खाला छ्या स्‍येकान्‍ते मि ख्‍योकोन नाङ काल्‍बेई ओत। ख्‍योकोन लेमु खित्‍च्‍ये छ्य्‌वापा स्‍येत खित्‍कान्‍ते थेमे ङ्योकोनला आउदी खाला ङिङज्‍ये खित्‍कान्‍ते मिङ ईन। ख्‍योकोन दोक्‍ते मि ईन्‍देकी था ज्‍येनला मद्धत तेराला सिन पैसा जम्‍मा खित्‍च्‍येते दि लेमुते कामोङ ज्‍येनगी भन्‍दा लेमु खाईन खासीन लेमु ओङच्‍या ओतान।

२ कोरिन्‍थी 9:11

परमेश्‍वरगी ख्‍योकोनला जे कुरोङ वालछ्येल ओङच्‍या खाला तेरग्‍यो। दोक ओङला ख्‍योकोनगी जहिलेङ ज्‍येनला तेरासम्‍म बिन्‍ला लेमु खिता थुप्‍क्‍यो। ख्‍योकोनगी बिन्‍दाते थे पैसा था ङ्योकोनगी थेबाला खेरगीन बिन्‍नामेई दि लाईदु थेबेकी परमेश्‍वरला धन्‍यवाद तेरग्‍यो।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 3:20

ङुरूङ नाङ काम खिन ओताते छ्येज्‍यीक शक्ति छ्य्‌वापेई परमेश्‍वरगी ङुरूङगी थेला नाङ साबा भन्‍दाङ काल्‍बेई तेरग्‍यो। थेमे ङुरूङगी विचार खाबा भन्‍दा खापान खापान छ्ये काम खिता थुप्‍क्‍यो।

फिलिप्‍पी 4:11

ङाला दुक्‍पा ओत, ख्‍योकोनगी ता फाप्‍सुङ सिन ङे दि बात खाबाते मेन। ङेनी जस्‍तो ओङजीनोङ जहिलेङ सन्‍तो खाईन देता स्‍येबा ओत।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

२ तिमोथी 2:21

थोगी धनीतेकी लेमुते कामलाकामा चले खित्‍च्‍येते सेरताङ चाँदी स्‍यी च्‍योकराङ ओङाला मिकी मेलेबा कामताङ बातकी छ्य्‌वापेई ठाला फाप्‍क्‍यो। दोक खासीन थोक्‍ते मिचेन थे खोरोङ मालिक ख्रीष्‍टकी लाईदु काम लै खित्‍च्‍येते थेमे थेकी खि साबा च्‍योककामा खित्‍कान्‍ते मि ओङगो। थेमे थोक्‍ते मिकी लेमुते कामताङ बात खिता थुप्‍क्‍यो।

२ तिमोथी 3:17

दोक खाला परमेश्‍वरला माने खित्‍कान्‍ते मिकीचेन लेमुते काम सिराते जेङ लेमु खाला खिता थुप्‍क्‍यो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।