२ कोरिन्‍थी 9:4 - जिरेल

⁴ ङात्ताङ थेपा म्‍यासिडोनिये मिओन ओङजीन ख्‍योकोनगी थे पैसा जम्‍मा खाईन ज्‍याक्‍पा मेत्‍सीन ङ्योकोनला चुक ङोचा लेबोङा। ख्‍योकोनतेनी झन ङोचेकी छ्येत तेन्‍च्‍ये लामोङ मेदेदो।

२ कोरिन्‍थी 9:4 Iomraidhean Croise

रोमी 15:26

बात चुक ओङसुङा सासीन म्‍यासिडोनियाताङ अखैये लुङबादु ओताते परमेश्‍वर सन्‍तानओनगी यरूशलेमदु ओताते दुक्‍पा ङेता ओताते परमेश्‍वर सन्‍तानओनला मद्धत तेरा फाप्‍क्‍यो सिन ठो खाईन थेबे लाईदु पैसा जम्‍मा खाबा ओतान।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

२ कोरिन्‍थी 11:17

ईन्‍दाका दोक्‍ते बात खि सिन प्रभु येशू ख्रीष्‍टकी ङाला कोताते मेन। छ्याःङ बुद्धि मेताते लेम्‍बाते मिकीकामा ङा दोक्‍ते ईन, थोक्‍ते ईन साला छ्ये खिओ।

२ कोरिन्‍थी 8:24

थोगी ख्‍योकोनगी दिबाला लेमु खि। थोक खासीन ख्‍योकोनगी ज्‍येनला ङिङज्‍ये खित्‍च्‍याक्‍वा थेमे ङ्योकोनगी साबा च्‍योकराङ ख्‍योकोन लेमु काम खित्‍कान्‍ते मि दुका सिन दिबेकी छ्या स्‍येक्‍यो। दोक ओङनामेई दिबेकीकामा मेन, ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी दि बाततेबा छ्या स्‍येक्‍यो।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

फिलेमोन 1:19

खुईते दिला खइँदा लिन्‍दा फाप्‍च्‍या ओत्‍सीन ङाराङ ज्‍येल्‍ग्‍यो सिन ङा पावल ङाराङराङ टिगीन ओत। ङे खित्‍सादुराङ खुई प्रभु येशूला विश्‍वास खाबाते ईन्‍देकी ङे खोल्‍ला थोई गुन खाबा ओते सिन ङा छ्याःङ मिसिरो।