२ कोरिन्‍थी 9:3 - जिरेल

³ ङे ख्‍योकोनगी ननीङमेईराङ थोक खिताला स्‍यूबा ओत साबाते बात ढाँर खाबाच्‍योक मेङस्‍यीत, बरू खेराङगी जम्‍मा खिताला स्‍यूबाते पैसा जम्‍मा खाला सिन्‍दा खित्‍स्‍यीत सिन दि न्‍वाओनला थेपा तोङगीन ओत।

२ कोरिन्‍थी 9:3 Iomraidhean Croise

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 7:4

ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

तीतस 3:1

थेमे ज्‍येनोङ बात थेरू येशू ख्रीष्‍ट मिओनला च्‍यि सिन लोबे सासीन लुङबादु राज्‍य खित्‍कानताङ ज्‍येन छ्ये छ्ये मि अधीनला देत्‍ला नियम कानून ङेन्‍दा फाप्‍क्‍यो थेमे लेमु काम खित्‍च्‍ये छ्य्‌वापाकामा सेम खिता फाप्‍क्‍यो सिरच्‍येते बात टोक माज्‍येत सिन सि।