२ कोरिन्‍थी 9:11 - जिरेल

¹¹ परमेश्‍वरगी ख्‍योकोनला जे कुरोङ वालछ्येल ओङच्‍या खाला तेरग्‍यो। दोक ओङला ख्‍योकोनगी जहिलेङ ज्‍येनला तेरासम्‍म बिन्‍ला लेमु खिता थुप्‍क्‍यो। ख्‍योकोनगी बिन्‍दाते थे पैसा था ङ्योकोनगी थेबाला खेरगीन बिन्‍नामेई दि लाईदु थेबेकी परमेश्‍वरला धन्‍यवाद तेरग्‍यो।

२ कोरिन्‍थी 9:11 Iomraidhean Croise

मत्ती 20:15

च्‍यि ङाराङ सम्‍पत्ति ङे ङाराङ खुशीकी चले खिता मेङेदोतरो? ङे थे मिओनला थाराङ ख्‍योकोनला छेतराङ बिन्‍सुङ सिन ख्‍योकोन च्‍यिला स्‍येदाङ खिते?’ सादुक्‍लो,” सिन सिदुक।

मत्ती 25:17

थोकराङ खाईन धार्नी खालज्‍यीकताङ स्‍यीजो ङेत्‍कान्‍तेकीङ थे लाक्‍तु ज्‍येन धार्नी खालज्‍यीकताङ स्‍यी जोदुक्‍लो।

रोमी 12:8

ज्‍येनला सल्‍लाह बिन्‍ला आँट तेरा थुप्‍कान्‍ते मिकी ज्‍येनतेबे नाङ दोक खिता फाप्‍क्‍यो। थेमे दुक्‍पा ङेता ओताते मिओनताङ गोला साच्‍येते सीप बिन्‍दा ओताते मिकीङ कुच्‍यीरी मिक्‍किता खाला तेरा थुपासम्‍म तेरा फाप्‍क्‍यो। थोकराङ खाला सुइँदाला परमेश्‍वरगी थे खोरोङ सन्‍तानओनला ताकान्‍ते छ्येते मि जोला दुक सासीन थोक्‍ते मिकीङ अल्‍छी मिक्‍किता खाला लेमु खाला थे काम खिता फाप्‍क्‍यो। नाबाते थेमे सुङ मेताते गरीब दुःखीला ताच्‍येते सीप ङेता ओताते मिकीङ सुइँदे करला फाप्‍कीन खाबाच्‍योक मिक्‍किता खाला सोचित्तेकीराङ थे काम खिता फाप्‍क्‍यो।

१ कोरिन्‍थी 1:5

थेकी खित्‍सादुराङ परमेश्‍वरगी ख्‍योकोनला तेरासम्‍म आशी बिन्‍दा ओत। च्‍यि सासीन येशू ख्रीष्‍ट बात ज्‍येनला लेमु खाला लोप्‍च्‍येते सीपताङ शक्ति ख्‍योकोनगी ङेता ओत थेमे परमेश्‍वरगी छ्या स्‍ये ज्‍युत्‍च्‍येते गाङे बात लेमु खाला छ्या स्‍येकान गाला ओत।

२ कोरिन्‍थी 1:11

ख्‍योकोनगी ङ्योकोन लाईदु प्रार्थना खिनराङ देत। थोक खासीन मि काल्‍बेईकी खाबाते प्रार्थना ङेन्‍गीन परमेश्‍वरगी ङ्योकोनला थोक खाईन जोए खाबाते बात छ्या स्‍येला झन मि काल्‍बेईकी परमेश्‍वरला धन्‍यवाद तेरग्‍यो।

२ कोरिन्‍थी 4:15

ख्‍योकोनला लेमु ओङस्‍यीत सिनराङ ङ्योकोन दोक खाला दुक्‍पा खपे खिओ। ङ्योकोनगी दोक खिन देत्‍जीन परमेश्‍वरगी खोपरोङला चुक दया खित्‍च्‍या ईन्‍दाका सिन झन झन मि काल्‍बेईकी छ्या स्‍येला थेते जय जय ओङस्‍यीत सिन थेला धन्‍यवाद तेरग्‍यो।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

२ कोरिन्‍थी 8:19

दोस्‍यिककामा मेन, ज्‍येनला मद्धत तेराला सिन जम्‍मा खाबाते पैसा केलाला ङ्योकोनताङ ङ्योम्‍बु ड्वाप्‍ला सिन दिलानी देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्‍पा ङेतातेबाला मद्धत तेरच्‍येते ङ्योकोनते आउदी सेम ओताक्‍वा सिन ज्‍येनगी छ्या स्‍येक्‍यो। दि कामगी खित्‍सादु मिओनगी प्रभु येशू ख्रीष्‍टला छ्ये जोइओ।

२ कोरिन्‍थी 9:12

ख्‍योकोनगी बिन्‍दाते पैसेकी परमेश्‍वर सन्‍तानओनते खाँचो टरे खित्‍च्‍येतेकामा मेन। दि कामगी खित्‍सादु मि काल्‍बेईकी परमेश्‍वरला आउदी खाला धन्‍यवाद तेरग्‍यो।