२ कोरिन्‍थी 9:1 - जिरेल

¹ यरूशलेमदु ओताते परमेश्‍वर सन्‍तानओनला मद्धत तेराला सिन पैसा जम्‍मा खिन ओताते बात ङे ख्‍योकोनला याङराङ टिक्‍पा फाप्‍क्‍यो सिराच्‍योक मालाङदुक।

२ कोरिन्‍थी 9:1 Iomraidhean Croise

मत्ती 22:31

थेमे स्‍याप्‍ते मिओनला परमेश्‍वरगी सोम्‍बो लोइओ सिरच्‍येते बातनी ख्‍योकोनगी परमेश्‍वर बातला दोक सिन साबाते बात पढे खित्‍जीनोङ छ्या स्‍येबा फाप्‍च्‍येते ईन।

शक्ति काम 24:17

सिइराङ सासीन ङानी यरूशलेमदु मादेतातेङ लो काल्‍बेई गाला ओतान। खरचिङ ङानी दुक्‍पा ङेताते ङेराङ यहूदीओनला बिन सिन ज्‍येन मिओनगी ङे लाःक्‍तु बिन्‍दाते पैसा केलाला थेमे ङाराङगी परमेश्‍वरला चढे खिओ सिन साबाते चढे खितालाका थेपा गाला ओतान।

रोमी 11:28

गा लाङच्‍येते बात माङेन्‍देकी इस्राएलीओन परमेश्‍वरताङ मिडिक्‍कान्‍ते मि ईन। थेबा थोक खाईन थेत्ताङ माडिक्‍पेकी खित्‍सादु ख्‍योकोन ज्‍येन ज्‍येन जातकी मिकी गा लाङच्‍येते बात ङेन्‍दा ङेताते ईन। थोक ईन्‍सीनोङ थेबे ज्‍युज्‍यु पुर्खा परमेश्‍वरगी छाने खाबाते मि ईन्‍देकी थेकी थेबाला ङिङज्‍ये खिता ताङा मेत।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

गलाती 2:10

येशू ख्रीष्‍टला विश्‍वास खित्‍कान्‍ते दुक्‍पा ङेताते थेरू यहूदीओनला ङ्योकोनगी मद्धत खिता लेमु ईन सिन बातज्‍यीकचेन थेजीन थेबेकी ङ्योकोनला साबा ओतान। दुक्‍पा ङेतातेबाला ता फाप्‍क्‍यो सिन ङा ङाराङतेङ सेम ओतान।

गलाती 6:10

बात दोक ईन्‍देकी ज्‍येनला लेमु खित्‍च्‍येते मौका ओत्‍केलाराङ ङुरूङगी मि गाङेला लेमु खिता फाप्‍क्‍यो। थोरूम काल्‍बा च्‍योक्‍तेचेन ङुरूङगी येशू ख्रीष्‍टला विश्‍वास खाईन खाम्‍बाज्‍यीक मि च्‍योकराङ ओङा ओताते मिओन नाङ दोक खिता फाप्‍क्‍यो।

१ थिस्‍सलोनिकी 5:1

थेमे आज्‍यो न्‍वावे, ङ्योकोनगी था तिरी चुक चुक ओङगीते सिन साबाते बात नाम च्‍यि बेलाला ओङगीताका सिन ख्‍योकोनला छ्याःङ टिक्‍पा माफाप्‍तासीन।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।