२ कोरिन्‍थी 8:9 - जिरेल

⁹ ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

२ कोरिन्‍थी 8:9 Iomraidhean Croise

मत्ती 17:27

ईन्‍सीनोङ ङुरूङगी मन्‍दिर तिरो माच्‍याल्‍सुङ सिन थेबा ङुरूङताङ स्‍येदाङ मिक्‍किस्‍यीत सिन खुई चुक खिसे सासीन खो दुरूकी गाल्‍ला च्‍याला समुन्‍द्रदु बर्सी थोङ। थेरू थोङला बर्सीला थेपाते ङ्या थेन्‍ला ठोल। खुई थे ङ्ये खे नाङ मन्‍दिर तिरो छ्योल्‍च्‍याज्‍यीक चाँदी डबल ङेत्‍क्‍यो। थेराङ खेरला ङुरूङ ङिबो छ्य्‌वापे मन्‍दिर तिरो छ्योल,” सिन सिदुक।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

मर्कूस 6:3

दिनी दुरू स्‍यिङगी काम खित्‍कान्‍ते मिराङनी ईन। दि मरियम फुज्‍युङ मेनरो? दि याकूब, योसेस, यहूदाताङ शिमोनबे आज्‍योराङनी ईन। थेमे दिते नुमुतेबाङनी गाङे दुरूराङ ओत,” सिन थेला दिङ सु ईन्‍देरो सिराच्‍योक खासुङ। थेबेकी थेला छ्याःङ मान माक्‍यासुङ।

लूका 16:11

बात दोक ईन्‍देकी ङीमाई सिन्‍ला डोच्‍येते सम्‍पत्तिनी ठीक खाला चले खिता मेस्‍येदुक सासीन परमेश्‍वरगी ख्‍योकोनला चुक खाला स्‍वर्गे सम्‍पत्ति चले खित्‍च्‍येते जिम्‍मा तेरगीते?

लूका 2:7

थेमे थेकी थेरूराङ फुज्‍युङज्‍यीक केसुङ। थेते छ्येते फिजाराङ थेराङ ओतान। थेकी थे फिजाला खोलाककी तुम्‍गीन च्‍याकीन ठोन्‍डोला सो तेरच्‍येते डूँरगी नाङराङ ङ्याल्‍सुङ। च्‍यिला सासीन हुटेलदु स्‍यासा देत्‍च्‍येते ठाउँ माङेतेई थेबा गोटेज्‍यीक्‍तु स्‍यासा देता फापा ओतान।

लूका 8:3

थेमे ज्‍येन मेरा ङिचेन योअन्‍नाताङ सुसन्‍ना सिरातेन्‍दे ओतान। योअन्‍नाचेन चूजा सिराते मि फेम्‍मे ओतान। चूजाचेन हेरोद गेल्‍बो दरवारदु काम खित्‍कान्‍ते छ्येज्‍यीक मि ओतान। दिबाकामा मेन्‍देकी ज्‍येन ज्‍येन फेम्‍मे मिङ थेबाताङ ङ्योम्‍बुराङ ख्‍याम्‍बा ओतान। दिबा गाङेकी खोपरोङ पैसेकी येशूताङ थे चेलाओनला दोक खाला गा लाङच्‍येते बात लोप्‍कीन ख्‍याम्‍जीन साप थुङाला गोच्‍येते जेसुकै बिन्‍ला मद्धत खिन ओतान।

लूका 9:58

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

यूहन्‍ना 1:10

थे छ्य्‌वापेकीराङ परमेश्‍वरगी दि सा लुङबा जोबा ओतान। दोक खाईन थे खोरोङ छ्य्‌वापेई जोबाते दि सा लुङबादुराङ ओङजीनोङ थे सु ईन्‍दे सिन दि सा लुङबे मिओनगी छ्या मास्‍येसुङ।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 12:30

थेमे येशूकी थेबाला “थाल्‍ला ख्‍योकोनगी थोबाते ङोरो ङे लाईदु मेन। ख्‍योकोनगी थोस्‍यीत सिनराङ दोक ओङाते ईन।

यूहन्‍ना 16:15

आबाताङ ओताते जति गाङे ङेतेङ ईन। थोगीराङ ङे ‘परमेश्‍वर आत्‍मेकी ङे लोप साबाते बातकामा ख्‍योकोनला लोप्‍क्‍यो,’ सिन साबाते ईन।

यूहन्‍ना 17:19

दिबेकीङ पूरो खाला ङे खाबाच्‍योक खिता थुप्‍स्‍यीत सिनराङ ङा खोल्‍ला मन परे खित्‍च्‍येते कामताङ बातकामा खिओ।

रोमी 11:12

थोक खाईन थेबेकी परमेश्‍वरगी साबाते माङेन्‍देकी खित्‍सादु सा लुङबा खाङगी मि गाङेला परमेश्‍वरगी आउदी लेमु खाबाते ईन। थेमे परमेश्‍वरगी खोपरोङला तेरग्‍यो साबाते आशी मोगोओ साबाच्‍योक खाबेकी ज्‍येन ज्‍येन जातकी मिलाका परमेश्‍वरगी आशी बिन्‍दाते ईन। इस्राएलीओनगी थोक खाबेकी खित्‍सादु परमेश्‍वरगी ज्‍येन ज्‍येन जातकी मिला दोक लेमु खासुङ सासीन थेबा गाङेकी परमेश्‍वरगी साबाते ङेन्‍सुङ सासीन परमेश्‍वरगी दि सा लुङबे मि गाङेला आशी बिन्‍ला झन थोई लेमु खाओङा।

रोमी 15:3

येशू ख्रीष्‍टकीङ नोमुङ थे खोरोङ फाइदा ताकीन काम खाबा मेतान। थेकी दोक खिओ सिन परमेश्‍वर बातला गोमाका “परमेश्‍वर, मिओनगी खोल्‍ला ईन्‍दा मेन्‍दा साबाते थेमे मोताते ङालाराङ खाबाच्‍योक ओङसुङ,” सिन टिबा ओतान।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

१ कोरिन्‍थी 1:4

ङा ख्‍योकोन लाईदु सधैँ परमेश्‍वरला धन्‍यवाद तेरग्‍यो। च्‍यिला सासीन येशू ख्रीष्‍टकी खित्‍सादु थेकी ख्‍योकोनला दया खाबा ओत।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:19

थेमे मिकी जति बुद्धि खिये खासीनोङ खोबा मुथुप्‍च्‍या खाला ख्रीष्‍टकी ङुरूङला चुक ङिङज्‍ये खिते सिन ख्‍योकोनगी खोबा थुप्‍स्‍यीत सिनोङ ङा प्रार्थना खिओ। परमेश्‍वरगी ख्‍योकोनला थे खोरोङ बुद्धि थेमे शक्ति बिन्‍ला थे खोरोङ च्‍योकराङ लेमु ओङाला गोच्‍येते जति तेरस्‍यीत सिनराङ ङा ख्‍योकोन लाईदु दोक दोक खाला प्रार्थना खिओ।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।